Serchhip Times

Vawiin ni 31.10.2025 khan Keiṭum leh Serchhip inkar Ralkiaua khamah Bolero neo MZ-01AC/4422, Lalnghaktluanga (24) s/o PC.Lalrinchhana, Keiṭum Field veng khalh chu a chesual a, a hmun ah hian Motor khalh tu leh chuang awmchhun Lalnghaktluang hi a boral a ni.  Langhaktluanga hi tukin khan Keiṭum aṭang hian 9:30am bawr velah chhuakin Serchhipah telecom lam hnathawk va hruai tura kal a ni a, a thang rei tak avang leh an phone pawha a chhan theih loh avangin an zawng ta a, a chetsualna hmun Serchhip leh Keitum inkar Ralkiauva kham kawng thlangah dar 11:00am pelh hnu deuh ah hmuh a ni ta a ni. Motor hi a lum thui viau a ni.

  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.

  MNF Party in Mizoram Assembly House a Forest Conservation Ammendment Act(FCAA)     adopt duh lohna Total Bandh an neih chu Mizoram hmun dang rualin Serchhip ah pawh MNF East Block Serchhip bultum in neih a ni a, mipui in an thlawp tha a boruak muanawm tak hnuai ah neih niin, chawhnu dar     1:00 khan tihtawp a ni. Serchhip East block huam chin Serchhip khawpui chhungah hmun 9 ah duty post siam a ni a, Hrangturzo block atangin mi engemaw zat in duty te an rawn tawiawm bawk. Tuikum Block MNF ruahmanna in Tuikum bial Chhiahtlang ah hmun 2 ah duty post siam a ni bawk. Total bandh neih chhung hian harsatna leh buaina thleng hriat a ni lo a, Sorkar office leh sikul te leh sumdaenna te khar niin Zirlai exam lai leh phalna nei tih loh chu chhuak vak an awm lova, veng thenkhat ah chhiat tawk an awm avangin mithi in kal turte erawh hriatthiam an ni bawk. Total Bandh tihtawpna hi duty post hrang hrang a mite kal khawmin Serchhip Bazar ah hun hman a ni. Serchhip East Bloc...

Serchhip District Consumer Association te chuan vawiin 27.10.2025 khan thuchhuah siamin tunhnaiah CM hnena an dil doucment ven vawnthatna atan Computer(Laptop) chu Chief Minister in a pe tih sawiin, hemi avang hian Chief Minister leh bialtu MLA ni bawk Pu Lalduhoma chungah thinlung takin Consumer hruaitute chuan lawmthu an sawi tih an tarlang a. Tin tunhnaiah an President Pu H. Zonuntluanga a boral avangin District Consumer Association hruaitute chuan an pawl hruaitu an insiamrem tih tarlangin President atan Pu RL Chhuanawma chu dah a ni tih an thuchhuahah chuan an tarlang.  

  Serchhip district anti tobacco squad te chuan serchhip khawpui chhunga dawrkai te tunlai hian endik in, vaihlo leh a kaih hnawih zuar ten an tar ngei ngei tur kum 18 tling lo hnena vaihlo atanga thil siam hralh hi dan bawhchhiahna a ni tih poster an tar leh tar lo te endik in a tar lo te an tar sak nghal bawk a ni

 Nimin 19th Oct. 2023 Pathianni atang khan Serchhip a Filling Station 2-na ni turin Serchhip Sailiamkawn, Thenzawl road a KAWLNI FILLING STATION atangin Petrol leh Diesel hralhchhuah tan a ni ta. Kawlni Filling Station neitute hi Seventh Day Adventist an nih avangin inrinni ah an inkhar thin anga, Pathianni atanga zirtawpni thleng an inhawng thin thung dawn a ni.

 Vawiin 20th Oct. 2025 Mon tlai dar 3 khan Serchhip Dist Hospital sak mek vanga Hospital khum indaihlohna phuhru turin khum 20 awm theihna tur Hospital Extension sak hna bul tan a ni a, bultanna hun tawi buatsaihah thu sawiin Serchhip Joint VC Chairman Pu R.Sanghmingthanga chuan Joint VC te ngenna angin Hospital khum 20 dah belhna tur Rajya Sabha MP Pu Richard Lalhmangaiha'n MP Fund atangin Rs.nuai 20 a pe tawh tih a sawi a, hemi in a daih bak tur Rs.nuai 20 dang pawh Chief Minister Pu Lalduhoma'n a rawn pek belh tur thu sawiin MP leh Bial mipui harsatna leh manawh hriatpuitu Chief Minister chungah an lawm takzet tih a sawi. Jt. VC Chairman Pu Sanga chuan Serchhip Dist Hospital sak mek a nih avangin Hospital ah khum indaihlohna a nasa em em mai a. Mi tam tak Aizawl lamah te refer an nih phah a, mipui, a bik takin mirethei te tawrhna a nasa em em mai a, chuvang chuan an mangangin khum 20 tal dahbelh theihna tur ngaihtuahpui turin Jt.VC ten CM leh MP kan tahawh a, an nih kan hars...

 Serchhip Kawnpui South VC huam chhunga awm Bazar area (sa zawrh na lane) hi kawngpui insuihfinna lai (Junction) pawimawh a nih bakah a kawng a tet em avangin mipui leh lirthei he kawng hmang tute leh helaia dawr nei te him zawk nan, SP Serchhip Notification vide No. E/RO-86/SP(S)/2021/2717 dt. 15.11.2021 chu tihchhuah tawh a ni a, he Notification chhuah tawh bakah hian a hnuai ami ang hian Serchhip SP Pu Gavit Gogna chuan MV Act 1988(Act of 1988) Section 115 na leh Govt of Mizoram Notification No. B. 12021/10/2004- TRP dt 01.06.2020- in thuneihna a pek angin "No Parking Area" atan a puang. 1. Pu R. Laldaihzauva In atanga Bazar hnuai kawngpui insuihfinna thleng (25 metres). 2. Pu HT. Thanghmingliana (Tea) In atanga Chanmari veng pan pheina kawng 30 metres thleng. He Notification hi ni 13.10.2025 (Thawhtanni) ațanga thuleh awm hma chu hman tur a ni ang. 

Pu Saichhunga s/o Saihnuna of N. Vanlaiphai hian a LSC No. NVP/Cad/A-98 of 1991 of N. Vanlaiphai Veng ami hi a tibo niin a rawn insawi a, office ah Re-issue a rawn dil a. A dil anga tihsak a remlohna chhan engpawh hria chuan chanchinbu a chhuah atanga ni 30 ral hma ngeiin a hnuaia address ziak hnenah hian hriattir tur a ni. Hetianga LSC pek chhuah leh a lo nih chuan LSC hmasa chu cancel nghal a ni. Sd/- Settlement Officer Land Renevue & Settlement Serchhip District: Serchhip Ph: 03838-222840

  Ni 10th October 2025 atanga Chhiahtlang Sailam Veng Kohhran BiakIn ah Chhimchhak Presbytery vawi 102 na chu neih mekah vawiin (12th Oct 2025) Pathianni chawhma inkhawmah Chhimchhak Presbytery Moderator Upa Lalrinkunga kaihhruaiin Kohhran Upa atan mi 12 nemngheh an ni a. Chungte chu : 1. R.Sanghmingthanga, Serchhip Peniel Kohhran 2. R.Lalthuamluaia, Chhiahtlang Venghlun Kohhran 3. K.Lalhmangaihzuala, Serchhip Chanmari Vengthar Kohhran 4. K.Laltlanliana, Chhiahtlang Venghlun Kohhran 5. Zothanmawia, Serchhip Chanmari Vengthar Kohhran 6. K.Laltlanliana, Serchhip Peniel Kohhran 7. V.Lalhruaitluanga, Serchhip Hmar Veng Kohhran 8. Zonunmawia, Serchhip Vengchung Kohhran 9. R.Malsawmtluanga, Serchhip Peniel Kohhran 10. R.Lalmuankima, Serchhip Vengchung Kohhran 11. Lalchhuanawma Ralte, Serchhip Vengchung Kohhran 12. Laldinpuia, Serchhip Hmar Veng Kohhran Nemngheh an nih hnu hian Upa V.Kapkima, Sialhau in Kohhran Upa atana nemngheh thar te fuihna leh an tana tawngtai sakna a nei a, Chhiahtl...

 Vawiin(10th October 2025) atang hian Chhiahtlang Sailiam Veng Kohhran BiakIn ah Chhimchhak Presbytery vawi 102 na chu neih a ni dawn ta. Tun Pathianni lo awm tur thleng khi a awh ang. Tun tum Chhimchhak Prebytery ah hian Thupui atan Nun tam (Johana 10:10) tih thlan a ni. Tukin zing dar 6:00am - 8:00am chhung hian Upa Exam neih a ni anga, dar 9:30am ah Standing Comtt. thukhawmin dar 11:00am ah Pastoral Comtt. an thukhawm leh anga, dar 1:00pm ah Nomination Comtt. an thukhawm leh bawk ang. Zanin dar dar 6:30pm ah Pathian Biak Inkhawm neih a ni anga, naktuk hian zing dar 9:30am - 4:00pm chhung rorel inkhawm neiin zan dar 6:30pm ah Pathian Biak Inkhawm a awm anga, Rev. Jonathan Pachuau in thu a sawi ang.  Naktip Pathianni chawhma dar 10:00 am.ah Upa Nemngheh inkhawm a awm anga, Chawhnu inkhawm ah Lalpa Zanriah Sakrament buatsaih a ni ang. Pathianni zan inkhawmah Moderator kalchhuak tur Pastor Lalremruata'n Veledictory Sermon a nei anga, inkhawmpui hi hemi zan vek hian a tiak...