Serchhip Times

Zun kawng a lung awm, zun kal tha thei lo, Kal/prostate/phing cancer leh mipat theihlohna etc harsatna nei tan a rawn theih ang. Booking ti lawk duh tan  Ph. 7630974750  

Serchhip District Consumer Association te chhuan thuchhuah siamin SErchhip District mipuite tana thuneitute hnena lungawi lohna an thlen theihna tur 'Vantlang Viltu' Mobile Apps chu Serchhip DC in a an ngenna angin Consumer ten an harsatna thlen nan an hmang tangkai thei dawn tih an tarlang a, hemi kawnga an ngenna Serchhip District Deputy Commissioner leh a staff ten an ngaih pawimawh sak chu a lawmawm an tih thu an tarlang. Consumer hruaitute tarlan dan chuan he VANTLANG VILTU Mobile Apps atang hian Consumer hartsatna hrang hrang Gas, Electric, Service dawn, Petrol/Diesel, Thil lei leh hralh leh Consumer kaihhnawih hrang hrang te complaint a theih tawh dawn a ni. He Mobile Appication hi Andriod leh iphone hmangtute tan Apps Store atangin download theih a ni a, awlsam taka hman theih a ni. Consumer hruaitute chuan District chhung hmun hrang hranga mipui ten Consumer kaihhawih a harsatna midang hriat lem loha an lo tawh te thuneitute hnen a thlen ngei theih nana hmang tangkai t...

  Vawiin(23.09.2025) khan Brilliant Higher Secondary School, New Serchhip ah Mizoram Consumer Union leh Serchhip District Consumer Association te chuan TRAI(Telecom Regulatory Authority of India) te nen tangkawpin Consumer Outreach Programme hun an hmang a. Zirlai naupang te hnenah Consumer hmalakna hrang hrang a, Consumer te chanvo leh TRAI kalphung te inhrilhhriatna hun an nei. He hunah hian Mizoram Consumer Union atangin Prof Chawngsailova leh Prof Lalnuntluanga te an lokal a, thusawina hun hmangin zawhna leh chhanna hun te hman a ni. He programme hi Serchhip District Consumer Association ten lo ruahmanin SDCA atangin Pu Zorammuana, Treasurer in programme a kaihruai a, Pu Laldinpuia Secretary in report a pe bawk.

 14 Assam Rifles te chuan ni 23 - 26 September 2025 chhunga Lunglei SAI Extension Center a MSSC Golden Jubilee 44th Mizoram Boxing Championship 2025 khel tur Serchhip Dist. Boxers te kalna Bus an tumsak a, an chungah Serchhip Boxers te leh Boxing hruaitu - Serchhip Dist. Boxing Assn. (SEDBA) te an lawm hle. Mizoram State Boxing Championship khel tur hian Serchhip Dist. Boxing Assn(SEDBA) te hian Boxer 31, Coach 1 leh Officials 2 an tir a, tukin zing dar 9:40am khan Sipai Bus im Serchhip chhuahsanin Lunglei an pan a, Bus hian Lunglei Sipai hmunpuiah kar tluanin a lo nghak anga, inrinni tukah Boxers te hi Serchhip ah a rawn phur haw leh ang.  Serchhip Dist. Boxers te hi Lunglei Electric Veng Branch YMA ten an lo mikhual dawn a ni.

Serchhip Dist. Hospital a thawk turin Mizoram sorkar chuan Dr. Lalhmangaiha (Medicine),  Aizawl Luangmual Chhangurkawn a mi chu a rawn dah thar. Serchhip Dist. Hospital in Medicine Doctor an neih loh avangin hun rei tal chhung dam lo te harsa chung chungin Aizawl lamah refer an ni thin a ni.

  Sept ni 6, 2025 atanga Serchhip Kawnpui North Branch YMA in Pi Thankungi in Leisang veng Serchhip an sak chu nimin 20.9.2025 inrinni khan zawh fel a ni a, hnatlang tha 200 chuang hret sengin ni 11 leh zing kar tum hnih chhung in luah theih a peih fel a ni. Pi Thankungi te chenna in hi a awngrawp deuh tawh avang leh sa tha mai turin an dinhmun in zir loh deuh avangin Serchhip Kawnpui North Branch YMA executive committee a an rel angin an in hi an sak that sak a, September ni 6, 2025 khan thiat in vawiin thleng hian hnatlang neih a ni a karleh lam hian an luah lut ang Pi    Thankungi in hi ban bul atan Cement concrete hmangin assam type ft15 x 24 ft a lian a sak niin ft 12x4 a zau nam puk a ni bawk. Kawnpui North Branch YMA hian an branch chhungah vehbur khawn hran lovin Serchhip DC in Disaster management fund atangin Rs. 100000 a pek bak ah, Kawnpui North VC, Serchhip hmarveng kohhran bak ah mi thahnem ngai thawhkhawm atangin Rs. 141400 hmuh a ni a, an hman ral zawng zaw...

 Tunlai hian zing leh tlaiah Serchhip Boxing Hall ah Boxer te inhnek turin an inpuahchah mek a, karleh thawhtanni 22nd Sept. 2025 khian Serchhip Dist. Boxer 32 ten Mizoram.pum huap inhnek lian ber 44th Mizoram State Boxing Championship 2025 khel turin Serchhip an chhuahsan dawn a ni. 44th Mizoram State Boxing Championship khel tur zawnna - Selection hi inrinni kalta 13th Sept. khan Serchhip Dist. Boxing Assn. (SEDBA) chuan Serchhip Boxing Hall ah a buatsaih a, Serchhip Dist. chhung khaw hrang hrang atangin Boxer te an rawn inlan a, mi 32 thlanchhuah an niin Serchhip Boxing Hall ah Coach Lalfakzuala hovin training an nei mek a ni.

 Vawiin (17th Sept) chawhma dar 11 khan Serchhip Dawngzawl Park ah Serchhip Two Wheeler Taxi Owners Assn. ten Assembly neiin kum 2025 - 2026 chhung atan *Serchhip Times* kaihhruaina hnuaiah hruaitu thar an thlang a, hengmite hi thlanchhuah an ni: President : K.Lalchunglura Vice President : Zothansanga Secretary : H.Lalremruata Asst. Secretary : C.Zodinthara Treasurer : R.Lalduhsangi Fin. Secretary : C.Vanlalruata Tunah hian Serchhip Town chhungah Two Wheeler Taxi 105 an Service mek a ni.

 Tukin(17th Sept) zing dar 7:30am khan Serchhip Bazar tual ah Serchhip DC Pu Paul L.Khuma'n Swachhta Hi Seva - Faina beihpuithlak a hawng.   Faina beihpui thlak hawnna inkhawm tawi neihah hian thu sawiin Serchhip DC Pu Paul L.Khuma chuan Serchhip hi Mizoram khawpui fai berah te thlan kan lo ni tawh thin a, he kan dinhmun hi himhim zel turin VC te, YMA te, khawtlang mipui zawng zawng kan tanrual zel a ngai a, kan thawhhona a that phawt chuan khawpui fai ber kan ti reng thei ang a ti. He hunah hian Pu Kawlthuama, Sub-Hqrs YMA Serchhip President pawhin thu sawiin fai hi Serchhip mipuite hian kan tlin a, fai turin i thawkchhuak ang u a ti. Hawnna inkhawm tawi neih hi PHE EE Pu Isaak Lalchhuanmawia'n a kaihruai a, Serchhip Joint VC Chairman  Pu  R.Sanghmingthanga'n lawmthusawina hun a hmang bawk. Hawnna inkhawm tawi neih zawh hian Bazar tual leh Hospital road te, Tuikhuah veng thlengin bawlhhlawh chhar hnatlang neih zui nghal a ni. Swachhta Hi Seva hi vawiin 17th Sept. at...

 * Mizoram chu Indian Railway Map ah tarlan a ni ta * Sairang service rel tlan dan kimchang    India Prim Minister Narendra Modi-a chuan nimin(Inrinni 13.9.2025) khan Lengpui atangin Mizoram Rel kawng Sairang to Bairabi inkar ami chu a hawng a, Mizoram chu India ram dang te nen Rel kawng a tlun zawm a ni ta a, Indian Railway Map ah Mizoram chu tarlan a ni ta tih a sawi.             He Sairang to Bairabi rel kawng siam hna hi kum 2015 atanga bul tan a ni a, km 51.38 a thui a niin Bairabi atanga Sairang pawh tur hian lei verh 45, leidawh lian tham 55 leh a tenau 87 zet a paltlang a. Leidawh no 144-na Sairang bul a mi chu metre 114 lai a sang a ni a, India Monument lar Qutuh Minar ai pawh a sang zawk in Noerheast Frontier Railway te chuan an tarlang. He rel kawng siam nan hian cheng vaibelchhe 8070 sen ral a ni. He Rel kawng tharah hian Station 4 – Hortoki, Kawnpui, Mualkhang leh Sairang te a awm a ni.   ...

  Govt Serchhip College Economics Department te chuan ni 11.09.2025 khan an Economics zirlai ten Bank lama hna an hmuh theih nan Job Career in Banking Services tih Programme an hmang a, he hunah hian Mr Zohmingsangzela, Senior Branch Manager, Punjab National Bank chu Resource Person a ni. He programme hi Lalfakawmi Eco V Sem Students chuan kaihruaiin resource person hnen atangin Banking Services lama luh dan leh inbuatsaih dan te, exam awm thei ang chi te hrilhfiahna hun hman a ni a. Zirlaite atangin zawhna leh chhanna hun hman a ni bawk. Zirlai ten an hlawkpui hle.

 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.

  INDIA VICE PRESIDENT THAR ATAN CP RADHAKRISHNAN THLANG Vawiina Parliament in 2 a India Vice President thar tur an thlanah, BJP kaihhruai National Democratic Alliance (NDA) candidate CP Radhakrishnan chu hneh taka thlan tlin a ni. India Vice President thlannaah hian NDA Candidate CP Radhakrishnan leh INDIA bloc candidate B. Sudershan Reddy te’n an chuh a, Radhakrishnan hian vote 452 hmuin hnehna a chang a, India Vice President 15-na a ni dawn ts a ni. Vawiin a Vice President thlangtu, electoral college-ah  Lok Sabha MP 524 leh Rajya Sabha MP 238, an vaiin MP 781 an awm a ni.

 MPCC IN NAKTUKAH DAMPA BIAL MLA BY-ELECTION CANDIDATE TUR PUANG DAWN Dampa Bial Assembly Constituency MLA By-Election lo awm tur atana MPCC Candidate tur puanna chu naktuk ni 10.9.2025(Nilaini) chhun dar 12:00noon hian Congress Bhavan ah neih a ni dawn. Kan hriat theuh angin Dampa Bial Assembly Constituency MLA By-Election lo awm tur atan hian Ruling Party ZPM chuan Vanlalsailova an lo ruat tawh a, MNF Party pawhin Dr.R.Lalthangliana an lo tifel tawh bawk a ni.

 SERCHHIP A CSS HNATHAWK TE NAWRH VANGIN OFFICE TAM TAK A RUAK     Nimin lama hriattirna an tihchhuah angin AMCECC-in Regularisation of CSS Employee Scheme, 2024 chungchangah Sawrkara an thu thlente chu tun thlenga hmasawnna hmuh tur a la awm loh avang leh tunhnaia Health Worker dahngheh chungchangah AMCECC Hqrs. General body meeting chuan lungawi lohna lantir nan ni 9 -11 September, 2025 hian Mass Casual Leave (MCL) lak ni se a tih angin vawiin atang khan AMCECC Sub-hqrs. Serchhip pawhin mass casual leave la in lungawi lohna hi an zawm ve a. District a hruaitu ten Office hrang hrang tlawhkual in lungawilohna lantir hi an kalpui tha hle niin an sawi a, Office tam tak chu a ruak hei huai mai a ni.     Department thenkhat office te chu hawng mahse CSS staff te erawh Mass Casual Leave la in an kal lo thung. Mass Casual Leave lak avangin an member-te ah harsatna thleng hriattur a awm loh thu an sawi bawk.     Serchhip District ah hian AMSEC...

  SERCHHIP MI IN Ph.D HMU THAR     Pu Lalrenga Kawlni S/o. R.Hrangsata (L), Dinthar veng, Serchhip tun a Controller of Examination, NE Adventist University, ATS, Jowai, Meghalaya thawk lai mek chuan William Carey University, Shillong atangin tunhnai khan PhD degree a hmu thar a, a Thesis chu "Impact of Mobile phones on the English language learning among the college students of Mizoram” tih a ni.

Serchhip Times Kum 25-na (Silver Jubilee) pualin tukin(8th Sept.2025) zing dar 7 khan Sub-Hqrs. YMA Serchhip President Pu Kawlthuama chuan Serchhip Times Online Edition a tlangzarh. Serchhip Times Digital Online Edition tlangzarhna inkhawm tawi hi Serchhip Times Office, Bazar ah neih a niin he hunah hian Sub-Hqrs. YMA Serchhip President Pu Kawlthuama chuan tunlai hmasawnna mila Serchhip chanchinbumi te an in her rem thiam ve zel chu fakawm a tih thu a sawi a, Serchhip Times chanchinbu pawhin Print leh PDF mai bakah Online Edition hial an nei thei ta chu Serchhip tan pawh hmasawnna ropui tak a ni a ti a, Social Media thang chak tak karah kan Journalist te pawh an in update ve zel a tul tih thu sawiin mipuite pawhin chanchinthar dik leh rintlak ziak thin Journalist te kutchhuak hi kan ngaihhlut deuh deuh a ngai a ti a ti. He hunah hian Serchhip Dist. MJA President Pu C.Lalhminghlua pawhin thu sawiin tunlai Khawvel Media thang chak tak kara Serchhip Times in hma a sawn zel chu a lawmpui t...

Serchhip Town Beautification Project hnuaiah Chief Minister Pu Lalduhoma, bialtu MLA ni bawk fund hmangin Public Drinking Water Point chu Serchhip Bazarah dah a ni ta, a khawl - Water Vending Machine hi Rs.4,70,000/- man zet a ni.  Public Drinking Water Point a tui la tur hian Tui dahna tur Bottle ken a ngai a, tui vawt leh vawt lo dawhna a hrang in a awm a, Tui vawt dawhna zawnah hian Rs.2 thir thlakin Tui litre chanve a haw thei a, a vawt lo zawnah hian Rs.2 thir thlakin Tui litre 2 a haw thei thung.

Sept ni 6, 2025 inrinni khan Pi Thankungi in Leisang veng Serchhip chu an chenna in a awngrawp deuh tawh avang leh sa tha mai turin an dinhmun in zir loh deuh avangin an awmna Branch Serchhip Kawnpui North YMA executive committee a an rel angin an in hi an sak that sak dawn a, nimin inrinni khan in hi thiat in a ban te an phun nghal a ni. Pi  Thankungi in hi Cement concrete ban a hmangin assam type ft15 x 24 ft a lian a sak tum a ni. Serchhip Kawnpui North Branch YMA hian an branch chhungah vehbur khawn hran lovin Sorkar atanga tanpuina awm thei ang ang te an dil sak a, mimal tlawmngai leh kohhran thenkhat in tanpuina an pe bawk. Hnatlang hi a tul dan ang zel a thawh chhunzawm tur a ni a,  thawh khatna ah hian thawkchhuak hi mi 60 chuang an ni.

Dated Serchhip, the 3rd September, 2025 : Vawiin khan Serchhip DC Meeting Hall-ah September 16, 2025 atanga Serchhip District-a '2nd Phase of Intensified IEC Campaign' kalpui dan tur sawiho a ni. He thutkhawm hi Serchhip District Bawrhsap, Pu Paul L. Khuma chuan kaihruaiin nikum (2024) khan Serchhip District-ah '1st Phase of Intensified IEC Campaign' neih a lo nih tawh thu sawiin, hmun hrang hrangah thawktute kalin hmalakna an kalpui thu a sawi a. Kha hmalakna khan mipuite ah rah a chhuah dan leh a hlawhtlinna kan hriat a pawimawh thu sawiin, chumi kawngah chuan hmalak zel a tul thu a sawi a. Kumin a he Campaign kalpui leh turah pawh hian mipuite tana tangkai tak leh hlawhtling taka kalpui a nih theihna turin thawktu hrang hrang ten theihtawp an chhuah tlan a tul thu a sawi bawk. He thutkhawm ah hian Alfred Lalhmingmuana, CSO, DISHA Lunglei chuan kumin a '2nd Phase of Intensified IEC Campaign' kalpui dan tura ruahmanna awmsa hrang hrangte sawiin, Serchhip Distri...

Central Silk Board Scientist team te hian Thenzawla Muga Silkworm Seed siamna tur hmun te chu fang kualin an endik a, a hmunhma leh Muga pangang chaw, Bul thing te tha an tih thu sawiin; Mizoram chu Muga silkworm khawina atan duhthusam a nih thu leh hun lo kal zel turah Mizorama theihna tam tak awm te chu tangkai leh zuala hman anih theih nan theih tawp an chhuah tur thu an sawi. Central Silk Board Scientist team te hi Dr. M. Maheswari, Director, MESSO in a kaihruai a, Pu B Lalchhuana, Deputy Director, Sericulture Dept, Govt. of Mizoram bakah District Sericulture Office hotuten an ṭawiawm bawk a ni. Central Silk Board. Ministry of Textiles. Govt of India leh Department of Sericulture. Govt of Mizoram tangkawp hma laknain,Dt 19 – 20. August.2025 khan Tualcheng, Khawzawl leh Thenzawlah te nipui lai a Muga pangang  khawi programme an neih mek chu  joint supervision neiin an lo tlawh tawh a ni.