CONSUMER TE TAN ‘VANTLANG VILTU’ MOBILE APPS

By Kapliana Pachuau on

Serchhip District Consumer Association te chhuan thuchhuah siamin SErchhip District mipuite tana thuneitute hnena lungawi lohna an thlen theihna tur 'Vantlang Viltu' Mobile Apps chu Serchhip DC in a an ngenna angin Consumer ten an harsatna thlen nan an hmang tangkai thei dawn tih an tarlang a, hemi kawnga an ngenna Serchhip District Deputy Commissioner leh a staff ten an ngaih pawimawh sak chu a lawmawm an tih thu an tarlang. Consumer hruaitute tarlan dan chuan he VANTLANG VILTU Mobile Apps atang hian Consumer hartsatna hrang hrang Gas, Electric, Service dawn, Petrol/Diesel, Thil lei leh hralh leh Consumer kaihhnawih hrang hrang te complaint a theih tawh dawn a ni. He Mobile Appication hi Andriod leh iphone hmangtute tan Apps Store atangin download theih a ni a, awlsam taka hman theih a ni. Consumer hruaitute chuan District chhung hmun hrang hranga mipui ten Consumer kaihhawih a harsatna midang hriat lem loha an lo tawh te thuneitute hnen a thlen ngei theih nana hmang tangkai turin mipui te an ngen bawk a ni. 

 


 CONSUMER TE TAN ‘VANTLANG VILTU’ MOBILE APPS

    Serchhip District Deputy Commissioner Office in Serchhip District mipuite tana lungawilohna thlenna tur atana an siam Mobile Apps tangkai tak mai ‘Vantlang Viltu’ tih chu Consumer tena harsatna an neiha Consumer chungchanga an harsatna an thlen ve theih nan District Consumer Association ten Deputy Commissioner hnena kan ngenna angin thuneituten ruahmanna an siam ta a, a lawmawm hle mai, kan DC leh a thawktute chungah lawmthu kan sawi a ni. He thil hi District huamchhunga Consumer te tan chuan thil pawimawh tak leh hmasawnna lawmawm tak a ni.    
    He ‘Vantlang Viltu’ apps atang hian Consumer ten kan harsatna hrang hrang Gas chungchangah te, Petrol leh Diesel chungchangah te, Service hrang hrang kan dawn chungchangah te, Thil lei leh hralh chungchangah te leh a list a tarlan kher loh thil dangah te kan harsatna te a complaint zung zung theih dawn a. Complaint lut te chu rang taka hmalak sak a, a tul anga Consumer Court lam thlenga bawhzui anih theih nan ruahmanna siam a ni. 
    District huamchhunga hmun hrang hranga Consumer tena midang hriat lemloha harsatna kan lo tawh emaw, puih kan ngaihna laiah kan inpuih tawn theih nan he Mobile Apps hi hmang tangkai theuh turin District Consumer Association te chuan mipuite kan inngen a. He thil \angkai tak hi Serchhip District chhunga Consumer zawng zawng ten hmang tangkaia kan lungawilohna leh kan harsatna te chinfel anih theih nan he Mobile Apps hmanga lo thlen thin turin kan inngen a ni. He ‘Vantlang Viltu’ Mobile Application hi Android leh ios hmang te tan phone apps store atangin awlsam taka download leh hman mai theih a ni.

Issued by Serchhip District Consumer Association

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Sub-Hqtrs YMA President-in Serchhip Times digital online edition tlangzarh

By Kapliana Pachuau on
Image
Serchhip Times Kum 25-na (Silver Jubilee) pualin tukin(8th Sept.2025) zing dar 7 khan Sub-Hqrs. YMA Serchhip President Pu Kawlthuama chuan Serchhip Times Online Edition a tlangzarh. Serchhip Times Digital Online Edition tlangzarhna inkhawm tawi hi Serchhip Times Office, Bazar ah neih a niin he hunah hian Sub-Hqrs. YMA Serchhip President Pu Kawlthuama chuan tunlai hmasawnna mila Serchhip chanchinbumi te an in her rem thiam ve zel chu fakawm a tih thu a sawi a, Serchhip Times chanchinbu pawhin Print leh PDF mai bakah Online Edition hial an nei thei ta chu Serchhip tan pawh hmasawnna ropui tak a ni a ti a, Social Media thang chak tak karah kan Journalist te pawh an in update ve zel a tul tih thu sawiin mipuite pawhin chanchinthar dik leh rintlak ziak thin Journalist te kutchhuak hi kan ngaihhlut deuh deuh a ngai a ti a ti. He hunah hian Serchhip Dist. MJA President Pu C.Lalhminghlua pawhin thu sawiin tunlai Khawvel Media thang chak tak kara Serchhip Times in hma a sawn zel chu a lawmpui t...
Kimchang zawkin »