Serchhip Times

  Vawiin 30th April 2023 Thu. khan Serchhip Excise & Narcotics Deptt. Staff te chuan BDO Conference Hall ah an Asst. Commissioner Pu Malsawmkima, Supernuation Pension a kal tur chu thlahna hun an hmang. A mah thlahna hunah hian thusawiin Pu Malsawmkima chuan "Serchhip hi sorkar hnathawk tan khaw sual taka sawi an ni thin a, mahse tum 2 zet ka han awm nawn a, khaw fel tak an ni tih a taka tawng ve in ka inhria a, Pension nan pawh Aizawl leh Serchhip hi duh thlang thei ka ni a, Serchhip hi ka rawn thlang ngat a ni" a ti. Pu Malsawmkima hi Kum 1983 July ni 21 khan Excise & Narcotics Deptt ah a lut tan a, Kum 2006 khan Serchhip Sub-Inspector in ah lo awm tawh a, chumi hnu ah Vairengte, Champhai, Meisatla leh Aizawl ah te a awm kual hnu in Asst. Commissioner in Serchhip ah a rawn awm leh a, Serchhip atangin Supernuation pension in a chhuak dawn ta a ni. Pu Malsawmkima thlahna hun hi Pu R.Lalrinsanga OC in kaihruaiin Serchhip a Excise & Narcotics Deptt. Staff zawng zawn...

  Nimin     tlai thli tleh vanga     Serchhip District a chhiatna thleng hriat theih chin te: Serchhip Hmar veng ah Pu Lalzuimawia In bang bakah, a tukverh zawng zawng a chhe vek. Serchhip Field Veng ah In chung 1 a hawk nual a, silpouline a khuh a ni. In 1 bâng a la bawk a, Bâng 2 siam ngai a awm bawk.   Thenzawl Vengthar pu Lalfakzuala te in luah lai a chhe nual a, Thenzawl venghlun ah pawh Pi Partei te in chung a hawk/ala nual. Bungtlang chhimveng-ah In a tichhe nual. 1. Pu Hmingthanmawia In (Chhe deuh vek) 2. PC.Rotluanga In (In chung rangva khawk) 3. PC.Pianglawma In (In chung rangva khawk) 4. Pu Masawmpuia In (In chung rangva khawk) 5. Pu K.Hmingchhuanga In (Tukverh darthlang tichhia) Kanghmun South ah in 10 vel chhia a awm    . Serchhip Vengchung lam hi in chhia a awm    nial a,lnchung Rangva phek 2/3 hawk te,Thingtlu in kawng a tih pin leh ln a tih hmelhem leh luah theih tawh loh inthiar chhuak (chhngkua 1)te kan nei a,tin khawla...

Vawiin, ni 22 April 2026 hian, World Earth Day pualin Assam Rifles te chuan Mizoram-a Sangau, Khawbung, Farkawn leh Champhai ah te Faina Humhalh leh Thingphun Hnatlang an buatsaih. He hmalakna hian a tum ber chu mipui, a bik takin thalaite zingah boruak leh ramngaw humhalh pawimawhna, fai leh thianghlimna, leh thingphun uar a tulzia inzirtir a ni a, kan zavaia mawhphurhna a nih thu uar taka tarlan a ni bawk. Hnatlangah hian mi 54, zirtirtu 4 leh zirlai 40 te an tel a. An chhehvel hmunhma tihfai hna thawh a nih bakah, boruak thianghlim leh hring zawk siam nan thingtiak 120 phun a ni. He hunah hian mipui an tel tha hle a, tel zawng zawngten ramngaw leh boruak humhalh kawnga mawhphurhna an neihzia an hre thar hle. Assam Rifles te chuan hetiang hmalakna tangkai tak kaltlangin ramngaw leh boruak humhalh leh mipui rawngbawl kawngah an inpe zel dawn tih an tarlang nawn leh a ni.

  Ni 20.4.2026 zan dar 8 khan Cricket Association of Mizoram (CAM) buatsaih 5th Inter District Cricket Tournament 2026 chu Pu Paul L Khuma, Deputy Commissioner leh Chairman Serchhip District Sports Committee chuan a hawng. Hawnna thu sawiin Pu Paul L Khuma chuan Mizoram a chengte hian kan ram hmasawnna turin khawtlang thil leh mimal thil vawn that kawngah mitin in mawhphurhna kan nei tih a sawi a. Mizoram pum huap Cricket inelnna Serchhip in kan thleng thei chu lawmawm a tih thu leh Cricket khel tura District hrang hrang atanga lo kal te chu nuam ti taka tournament khel turin duhsakna a hlan a ni. A sawi zelna ah DC chuan kan hlawhtlinna turin tum mumal kan neih a ngai a, chumi hrechiang chung chuan taihmak kan chhuah a ngai a, eng kawng ah pawh tumruhna leh taihmakna nen theihtawp kan chhuah chuan kan hlawhtling ngei ang tiin, player te chu an hmalam hun atan duhsakna a hlan a ni. 5th Inter District Cricket Tournament hit off program hi Kawnpui VC hall ah neih niin, Pu R. Lalrinaw...

 8th Youth Men & Women National U-19 Boxing Championship, ni 13-19th April 2026 chhunga Guwahati a neih zawh takah Mizoram in Gold Medal 1 an hnekchhuak a, Gold Medal hnekchhuaktu hi TC Malsawmkimi, North Vanlaiphai khua niin Services mi a hneh a ni. He Championship ah hian Mizoram atangin Boxer 12 an kal a ni.     Tun tuma Mizoram aiawh a Guwahati a inhnek tura kal te hi Mizoram Boxing Association (MIZBA) buaina kal zelah Mizoram sorkar in kalman a tumsak theihloh avangin a then chu mahni insengso in an kal a, a then chu mimal thahnemngai leh Dist. Boxing Assn. thenkhat te pawisa thawhkhawm hmangin an kal a ni.     Mizoram aiawh a Boxer fehchhuak te hi naktuk(20th April 2026) zan dar 7 khian Mizoram panin an rawn haw dawn a ni.

  District Project Co-Ordinator Office, Samagra Shiksha, Serchhip District a thawk turin NIGHT GUARD hna a ruak mek a, ruihtheih thil ti lo,  Class-VIII pass chin tan April ni 14, 2026 thleng Office hunchhungin dil theih a ni ang. Hlawh chu Rs.6,000/- per month a ni e.

 Nimin 10.4.2026  khan MHIP Sub-Hqrs. Serchhip chuan Conference vawi 13-na New Serchhip YMA Hall ah neih a ni.        Mizo Hmeichhe Insuihkhawm Pawl in conference vawi 13-na an neih hi an President Pi Lianthangi'n a kaihruai a, Pi F.Hrangthangpuii, P&E Branch in hunserh a  hmang a ni. Sub-Hqrs. hnuaia Block pathum - E. Lungdar, Tawitlang leh Ramlai te atangin Repory ngaihthlak a no bawk.      Secretary Pi Angeli Marhmingliani report a tarlan a nih danin, Sub-Hqrs. huam chhungah hian Block 3 a awm a, Branch hi Serchhip Town chhungah 20 aemin,,Town pawnah Branch 64,  an vaiin branch 84 an awm mek a ni.      Sub-Hqrs. in  hmalakna langsarte - Kan hnam chimrala a awm loh nan pianpun inzirtir, Puipunna ah hmeichhia ten Puan bih uar tura inzirtir, MHIP Office nei tura hmalakte bakah Seeechhip town chhinga branch te faina hnatlang neoh a ni a, Sub-Hqrs. Huapin gaina hnatlang a huhova neih a ni.     Kum 202...