Vawiin atangin Inter District Cricket Tournament Serchhip ah khel tan

By Kapliana Pachuau on

 


Ni 20.4.2026 zan dar 8 khan Cricket Association of Mizoram (CAM) buatsaih 5th Inter District Cricket Tournament 2026 chu Pu Paul L Khuma, Deputy Commissioner leh Chairman Serchhip District Sports Committee chuan a hawng.




Hawnna thu sawiin Pu Paul L Khuma chuan Mizoram a chengte hian kan ram hmasawnna turin khawtlang thil leh mimal thil vawn that kawngah mitin in mawhphurhna kan nei tih a sawi a. Mizoram pum huap Cricket inelnna Serchhip in kan thleng thei chu lawmawm a tih thu leh Cricket khel tura District hrang hrang atanga lo kal te chu nuam ti taka tournament khel turin duhsakna a hlan a ni.

A sawi zelna ah DC chuan kan hlawhtlinna turin tum mumal kan neih a ngai a, chumi hrechiang chung chuan taihmak kan chhuah a ngai a, eng kawng ah pawh tumruhna leh taihmakna nen theihtawp kan chhuah chuan kan hlawhtling ngei ang tiin, player te chu an hmalam hun atan duhsakna a hlan a ni.


5th Inter District Cricket Tournament hit off program hi Kawnpui VC hall ah neih niin, Pu R. Lalrinawma, President SEDCA chuan inlawmna thu sawiin, Host Nl. Chawnghlunchhungi kaihhruainabin Team inhmelhriattirna neih a ni a, Khuallian bakah hian Pu Lalfakawma  Varte, Hon'y Secretary, Cricket Association of Mizoram leh Pu K.Tlangthanmawia, Vice President, Serchhip District Sports Committee te hnen atangin thusawi ngaihthlak a ni bawk.


Tournament khel tur hian DIstrict 8, te rawn tel thei in Group A ah  Siaha DCA, Lunglei DCA, Champhai DCA leh Hnahthial DCA te an awm a, Group B ah Kolasib DCA, Serchhip DCA, Mamit DCA leh Saitual DCA te an awm thunga, Group winner leh runner up ten semifinal an khel ang. Vawiin atang hian Khawtetlang Playground ah leh District Sport Complex Stadium ah te khelh a ni ang a, Semifinal atang hian District Sports Complex Stadium ah chauh khelh a ni ang.


Vawiin 21.4.206  inkhel turte; 

Dist.Sports Complex ah ;

Dar 9:30 - Lunglei DCA Vs Hnahthial DCA 

Dar 1:00 pm -Serchhip DCA vs Saitual DCA ten an khel anga.

Khawtetlang Field lamah;

Dar 9:30 - Kolasib DCA vs Mamit DCA

Dar 1:00pm- Champhai DCA vs Siaha DCA

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »