SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

Serchhip, the 25, May 2026: Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a, 

Auto Rickshaw hi a hma lam a delh in a chhe viau a, a khalhtu hi Serchhip Damdawiin ah dahluh niin ngaihtuah awm lutuk erawh a ni lo. 

He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi.

He RCC Retaining Wall hi  April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang hruaitu ten kawngpui zauh a nih theih nan a basement hi sawn chhak tir hret an nih thu leh tie beam a pawh tho tur a nih a vangin rinawm turah an ngai niin an sawi tih kathudawnna chuan a sawi.

Retaining Wall chim avang hian engemaw chen chu Motor lian kal tlang phal a nih loh tur thu Traffic duty te chuan an sawi.