SERCHHIP TIMES

By Kapliana Pachuau on

 SERCHHIP A CSS HNATHAWK TE NAWRH VANGIN OFFICE TAM TAK A RUAK

  


 Nimin lama hriattirna an tihchhuah angin AMCECC-in Regularisation of CSS Employee Scheme, 2024 chungchangah Sawrkara an thu thlente chu tun thlenga hmasawnna hmuh tur a la awm loh avang leh tunhnaia Health Worker dahngheh chungchangah AMCECC Hqrs. General body meeting chuan lungawi lohna lantir nan ni 9 -11 September, 2025 hian Mass Casual Leave (MCL) lak ni se a tih angin vawiin atang khan AMCECC Sub-hqrs. Serchhip pawhin mass casual leave la in lungawi lohna hi an zawm ve a. District a hruaitu ten Office hrang hrang tlawhkual in lungawilohna lantir hi an kalpui tha hle niin an sawi a, Office tam tak chu a ruak hei huai mai a ni.

    Department thenkhat office te chu hawng mahse CSS staff te erawh Mass
Casual Leave la in an kal lo thung. Mass Casual Leave lak avangin an member-te ah harsatna thleng hriattur a awm loh thu an sawi bawk.

    Serchhip District ah hian AMSECC zawm staff welfare  8 vel an awm a, member hi 700 dawn an awm. Ruahman dan chuan vawiin ni 9 sept atanga ni 11 Sept. ningani thleng hi Mass Casual Leave lak hi an tum a ni.

    *Serchhip Times* palai in Serchhip a Office hrang hrang a tlawh kual na ah, Office thenkhat a bik in Central Scheme a dinte ( DPO SAMAGRA, DPO WCD, OSC) chu staff kal tur awm lo in khar an ni a, Office thenkhat BDO, DRDO, UD&PA, H&FW Dept, Agriculture leh AH&Vety etc.te chu hawng in staff dang te kal mahse CSS employee te erawh lungawi lohna an lantir avangin an kal lo a ni.

    Hetih lai hian District Child Protection Unit  a CSS employee te erawh Mizoram puma an staff welfare chuan AMCECC atanga chhuak lailawkin nizan ah affiliation an dilna hi pawm an nih chauh avangin information mumal inpek hman a nih loh avangin vawiin hian office an kal a, naktuk atangin lungawilohna hi zawm ve an tum niin thu kan dawng.

    CSS zingah NHM employee te an tel ve avang hian Serchhip District Hospital lamah chuan indaihlo deuh mahse a theih dan dan a insiamrem in OPD pawh hawn a ni a, nidang aiin OPD pan an tlem bak ah Doctor zin leh chawl la te an awm avangin oncall duty nen Doctor duty 4 chiah an awm a, harsatna lutuk awm rihlo mahse hun rei ah chuan thawktu te lamah harsatna a awm theih tur thu an sawi.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Sub-Hqtrs YMA President-in Serchhip Times digital online edition tlangzarh

By Kapliana Pachuau on
Image
Serchhip Times Kum 25-na (Silver Jubilee) pualin tukin(8th Sept.2025) zing dar 7 khan Sub-Hqrs. YMA Serchhip President Pu Kawlthuama chuan Serchhip Times Online Edition a tlangzarh. Serchhip Times Digital Online Edition tlangzarhna inkhawm tawi hi Serchhip Times Office, Bazar ah neih a niin he hunah hian Sub-Hqrs. YMA Serchhip President Pu Kawlthuama chuan tunlai hmasawnna mila Serchhip chanchinbumi te an in her rem thiam ve zel chu fakawm a tih thu a sawi a, Serchhip Times chanchinbu pawhin Print leh PDF mai bakah Online Edition hial an nei thei ta chu Serchhip tan pawh hmasawnna ropui tak a ni a ti a, Social Media thang chak tak karah kan Journalist te pawh an in update ve zel a tul tih thu sawiin mipuite pawhin chanchinthar dik leh rintlak ziak thin Journalist te kutchhuak hi kan ngaihhlut deuh deuh a ngai a ti a ti. He hunah hian Serchhip Dist. MJA President Pu C.Lalhminghlua pawhin thu sawiin tunlai Khawvel Media thang chak tak kara Serchhip Times in hma a sawn zel chu a lawmpui t...
Kimchang zawkin »