Serchhip Times

  Serchhip District Commission te chuan tunhnaia Consumer Court thuremna an tihchhuahah Kifa Company dintute chu an hnuaia hnathawk hlawh Serchhip Darnam veng ami an pek kim loh Rs 21000/- chu pek luihtir an ni. Serchhip District Consumer Court Case No 10 of 2025 Order dt 10.2.2026 in a tarlan danin ni 6.11.2025 khan Serchhip Darnam Venga mi pakhat chuan Kifa Company Bawngkawn Bridage Road Aizawl lakah thubuai thehlutin he Company hian an hnuaia a thawh laia a hlawh July 2024 - September 2024 (Rs 21000) chu an pe duhlo tih a rawn thlen a. Consumer Court ah he thubuai hi ngaihtuah niin he thubuai ngaihtuah lai hian he Company hi a ding tawh lova, a dintute hian an bansan zo tawh a. Amaherawhchu he Company a din laia a khaipa te chu mawh phurh tirin he Company an din laia an bungraw la neih ho te chu Court hian a tihral tir a, hemi atang hian complaint tu pawisa mamawh zat Rs 21000/- hi Court hian a pek tir ta a ni.

 Inrinni(14th Feb. 2026) chhun dar 12 khan tunhnaia MCS Exam Result chhuaka Top-8 ni pha Lalruatfela S/o Rohmingliana, Serchhip Bazar chu Bazar tualah S.Kawnpui South Branch YMA bultumin a mah lawmpuina inkhawm ropui taka neih a ni a, NGO hrang hrang leh mimal thahnem takin lawmpuina thilpek an hlan. Kum 2025 a MPSC in Combined Competitive Exam a buatsaihah Serchhip tlangval Lalruatfela(Sena) S/o Rohmingliana chu MCS-ah a inziak tling ve leh ta a, MCS 15 lak thar zingah 8-na lai a ni pha a ni. Lalruatfela hian Presbyterian English School, Serchhip ah Class 9 thleng a zir a, Synod HSS Aizawl atangin HSLC Distinction ah a zo thung.  Class 11-12 hi  Army Public School Golconda Hyderabad ah Distinaction ah bawk a zo a, B.Sc(Hons) hi Ramjas College, Delhi University ah a zo leh a ni. Kum 2022 khan UPSC civil service a exam ve a, mahse a tling zo lo a. Kum 2023 khan UPSC leh MPSC hnuaiah Civil Service a exam leh a, Prelims ah tling ve ve in Mains ah erawh a inziak tling z...

 Nasha Mukht Bharat Abhiyan (NMBA) Serchhip hmalakna kal zelah District pum huap Ruihhlo Ngaite Pual Camping chu vawiin(Feb. ni 9) atang hian New Serchhip Presbyterian Kohhran BiakIn ah neih a ni dawn a, Feb. ni 20 thleng a awh ang. Speaker tur hi Frederick Lalrindika a ni.     Camping neih chhung hian Doctor, Nurse leh pharmacist ten campers te an vil reng dawn a. Damdawi leh zu lama harsatna nei te hi a hmunah Medical Team te hian damdawi tha te nen inbuatsaih -in an enkawl dawn a ni.     NMBA hi Drug free India Campaign niin Sorkar lakpui Ministry of Social Justice and Empowerment hnuaia hmalakna a ni a. He hmalakna in a tum (focus) chu Demand Reduction niin, a ti mek ten an sim theihna tur leh a la ti ngai lo tên an tih chhin lohna tura tan lak a ni.     District chhunga addict zawng zawng te an luh theih nan zau taka hawn a ni a. Drug Addict bakah zu avanga buai te pawh he Camping-ah hian luh theih a ni dawn a ni.Amaherawhchu, Serch...

 Nasha Mukt Bharat Abhiyan hnuaia Ruihhlo Do hmalakna lakzelah 2nd Feb. 2026 Monday tlai dar 4 khan Serchhip Boxing Hall ah Sports Camp - II neih niin Boxer thahnem tak kalkhawm hma ah Ruihhlo that lohzia leh Ruihhlo laka fihlim a pawimawhzia uar taka inzirtirna neih a ni.     Sports Camp-II Cum Drugs Awarness campaign hi Pu V.Zosangliana Serchhip District Boxing Association(SEDBA) Senior Vice President in a kaihruai a. Salvation Army, Serchhip Corps Upa BC Liantluanga’n Kristian nih leh Ruihhlo tih chu a inkalh tlat thu uar takin a awi.     Pu David Laldintluanga, Headmaster, Govt. High School Serchhip pawhin thu sawiin infiammi nih leh ruihhlo laka fimhlim chu thil inkawp tlat, thenhran theihloh a nih thu a sawi a, ruihhlo hi tichhin miah lo tur leh ruihhlo ti chunga infiamna a inhmang an hlawhtlin ziktluak ngai loh thu uar takin a sawi a, ruihhlo ti lo tura intiamin Boxer te a aurualtir a ni.     Pu Kapliana Pachuau President, Serchhi...

    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.