Vawiin atangin Serchhip Dist. huap Gospel Camping nei dawn ta. Hriattur pawimawh te...

 Nasha Mukht Bharat Abhiyan (NMBA) Serchhip hmalakna kal zelah District pum huap Ruihhlo Ngaite Pual Camping chu vawiin(Feb. ni 9) atang hian New Serchhip Presbyterian Kohhran BiakIn ah neih a ni dawn a, Feb. ni 20 thleng a awh ang. Speaker tur hi Frederick Lalrindika a ni.
    Camping neih chhung hian Doctor, Nurse leh pharmacist ten campers te an vil reng dawn a. Damdawi leh zu lama harsatna nei te hi a hmunah Medical Team te hian damdawi tha te nen inbuatsaih -in an enkawl dawn a ni.
    NMBA hi Drug free India Campaign niin Sorkar lakpui Ministry of Social Justice and Empowerment hnuaia hmalakna a ni a. He hmalakna in a tum (focus) chu Demand Reduction niin, a ti mek ten an sim theihna tur leh a la ti ngai lo tên an tih chhin lohna tura tan lak a ni.
    District chhunga addict zawng zawng te an luh theih nan zau taka hawn a ni a. Drug Addict bakah zu avanga buai te pawh he Camping-ah hian luh theih a ni dawn a ni.Amaherawhchu, Serchhip District tan chauha hawn a nih avangin District dang atanga lo kalte tan luh ve a rem dawn lo a. Serchhip district chhung khawi khua atang pawhin, zu leh ruihhloa buaite, a duh apiang he camp ah hian lo lut turin sawm an ni.

*SERCHHIP DISTRICT PUAL RUIHHLO NGAI PUAL GOSPEL CAMPING*
*HRIATTUR PAWIMAWHTE*

1. Camping hi Serchhip District mi leh sate tan chauh buatsaih a ni a, District dang tan luh ve a remchang lo a ni.
2. Camping hi ruihhlo bawiha tang mekte tan chauh a buatsaih a nih avangin hetiang buaina nei ni ve lem lo tan luh ve a remchang lo.
3. Camp fee a awm lo ang.
4. Registration hi mahni awmna Branch YMA Secretary-te hnenah a hmalama lo tih vek nise. Hei hi Camp luh zana kan inhnawh buai loh nana tih a nih avangin zawm theuh tum nise.
5. Mutbu leh mahni mamawh kan ken danah a samkhai zawng leh felfai zawk ngaihtuah hram hram nise la. Bag ngah lutuk leh khung hran ngah lutuk hian thil bo thei a tam avangin mutbu pakhat leh bag 2/1 ah inkhung len hram tum nise la. Mahni bungrua te chhinchhiahna bik siam a tha bawk ang.
6. Nupaa lut tur tan Bedding intel tawm phal a nilo a, a hrang a tel tur a ni.
7. Camping a lut turte tan ken tur leh ken phal lohte :-
a. Ken ngei ngei turte :
1) Mutbu
2) Thleng, no leh fian
3) Bible
4) Note bu leh pen
b. Ken luh phallohte :
1) Mobile phone
2) Pawisa
3) Ruihtheih thil
4) Hriamhrei lam chi reng reng
8. Camping a lut turte tan Reception Office-ah pawisa a deposit theih ang a, hei hi Camp area chhunga nepnawi dawrah mamawh lamna atan hman tur a ni ang a. Pawisa faiin emaw a ba in emaw nepnawi dawrah hian thil a lei theih dawn loh a ni. Pawisa deposit sa hman zawh a nih chuan chhungte a\angin a deposit belh theih ang.
9. Pawisa deposit hi Camper-te enkawlna atana mamawh damdawi man atan hman a ni dawn lo a, Camp area chhunga enkawlna chu Organising Committee lamin a tum sak vek dawn a ni. Natna zual deuh Damdawiin panpui ngai an awm erawh chuan mahni intum a ngai thung ang.
10. Camping chhung hian pawn lam a\angin engmah inpek phal a ni dawn lova. Loh theih loh leh \ul bik thil a awm
chuan Security hruaitute phalna lak hmasak tur a ni.
11. Camping hi February 9, 2026 ah luh tur a ni a, zanriah ei saa luh vek tur a ni. Campna hmunah zanriah ei tur a awm dawn lo. Chawhnu dar 1:00 a\angin hming ziahluh leh bungraw dah luh \an theih a ni ang a, mahni erawh zanriah ei sa a luh tur a ni. Zan dar 12 thleng luh theih hun hawn a ni ang a. Security check paltlang tawhte erawh chu Camp area chhuahsan phal a ni tawh dawn lo a ni. Hun hawn chhung bak chu tumah a luh theih tawh loh ang. Bungrua hi Security ten an lo endik theih nan dah lawk hram tum ni bawk se, a lawmawm hle ang.
12. Campers-te zingah mahni duhthu ngeia tlanchhuakte chu Camp-ah an luh leh phalsak an ni lo ang.
13. Mobile phone leh Campers bungraw hlu dang eng chi pawh Reception ah emaw hmun dangah pawh, lo kawl that sakna hmun siam a ni dawn lova, thil bo hlauhawm chi reng reng chu lo ken loh mai tur a ni.

Zawhfiah duh nei tan :- T.Upa F. Ramfangzauva, 9862235480; Pu CMS Dawngliana, 9862501740
Information & Reception Committe