Serchhip Boxer te hnenah ruihhlo thatlohzia zirtirna neih a ni

By Kapliana Pachuau on


 Nasha Mukt Bharat Abhiyan hnuaia Ruihhlo Do hmalakna lakzelah 2nd Feb. 2026 Monday tlai dar 4 khan Serchhip Boxing Hall ah Sports Camp - II neih niin Boxer thahnem tak kalkhawm hma ah Ruihhlo that lohzia leh Ruihhlo laka fihlim a pawimawhzia uar taka inzirtirna neih a ni.
    Sports Camp-II Cum Drugs Awarness campaign hi Pu V.Zosangliana Serchhip District Boxing Association(SEDBA) Senior Vice President in a kaihruai a. Salvation Army, Serchhip Corps Upa BC Liantluanga’n Kristian nih leh Ruihhlo tih chu a inkalh tlat thu uar takin a awi.
    Pu David Laldintluanga, Headmaster, Govt. High School Serchhip pawhin thu sawiin infiammi nih leh ruihhlo laka fimhlim chu thil inkawp tlat, thenhran theihloh a nih thu a sawi a, ruihhlo hi tichhin miah lo tur leh ruihhlo ti chunga infiamna a inhmang an hlawhtlin ziktluak ngai loh thu uar takin a sawi a, ruihhlo ti lo tura intiamin Boxer te a aurualtir a ni.
    Pu Kapliana Pachuau President, Serchhip District Boxing Association(SEDBA) pawhin thusawiin ruihhlo ti thin te chu Boxing an zir an phal dawn lo tih a sawi a, hlawhtling tur chuan taimak leh tumruhna piah lamah ruihhlo laka fihlim a pawimawh tel tih sawiin Boxer te chu ruihhlo laka fihlim turin a fuih.

SIGNATURE CAMPAIGN
    He hunah hian Boxer lokalkhawm te chu Ruihhlo ti lo tura intiamna Signature Campaign neih a ni a, Boxer thahnem takin Ruihhlo tilo tura intiamin hming an ziak a ni.

VIDEO CLIP
    He hunah hian nikum 2026 a MIZBA leh ZONET buatsaih Mizoram pum Boxing inelna MEGA BOXING CHAMPIONSHIP a Gold Medalist pahnih Lalruatmawia, Chhiahtlang leh Lalngaihawmi, Khawtetlang te’n Ruihhlo that lohzia an sawina Video Clip tlangzarh a ni bawk.

PAMPHLET
    Hei bakah hian Ruihhlo that lohzia ziahna Pamphlet sem zui nghal a ni bawk a, Ruihhlo do na tana rawtna hrang hrang te sawiho zui niin  refreshment tuihnai tak ei in ho a ni bawk.


Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Lui Humhalh Bomb tute man

By Kapliana Pachuau on
Image
    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.
Kimchang zawkin »