Sub-Hqtrs YMA President-in Serchhip Times digital online edition tlangzarh

By Kapliana Pachuau on
Serchhip Times Kum 25-na (Silver Jubilee) pualin tukin(8th Sept.2025) zing dar 7 khan Sub-Hqrs. YMA Serchhip President Pu Kawlthuama chuan Serchhip Times Online Edition a tlangzarh.

Serchhip Times Digital Online Edition tlangzarhna inkhawm tawi hi Serchhip Times Office, Bazar ah neih a niin he hunah hian Sub-Hqrs. YMA Serchhip President Pu Kawlthuama chuan tunlai hmasawnna mila Serchhip chanchinbumi te an in her rem thiam ve zel chu fakawm a tih thu a sawi a, Serchhip Times chanchinbu pawhin Print leh PDF mai bakah Online Edition hial an nei thei ta chu Serchhip tan pawh hmasawnna ropui tak a ni a ti a, Social Media thang chak tak karah kan Journalist te pawh an in update ve zel a tul tih thu sawiin mipuite pawhin chanchinthar dik leh rintlak ziak thin Journalist te kutchhuak hi kan ngaihhlut deuh deuh a ngai a ti a ti.

He hunah hian Serchhip Dist. MJA President Pu C.Lalhminghlua pawhin thu sawiin tunlai Khawvel Media thang chak tak kara Serchhip Times in hma a sawn zel chu a lawmpui thu a sawi a, Khawvel hmasawnna mil zelin Journalist te pawh kan in her rem ve zel a ngai a ni a ti.

Serchhip Times hi May ni 22, 2000 khan chhuah tan a ni a, a tirah chuan Magazine angin vai phek chhiara phek 10 a chhahin kar tin chhuah thin a ni a, kum 2003 atangin nitin chhuak - Daily a chhuah tan niin ni 11th November 2014 khan Goverment of India hnuaia Ministry of Information & Broadcasting chuan Registrar of Newspaper for India hnuaiah dan ang thlapin (Press and Registration of Books Act, 1867 tlawhchhanin) Serchhip Times hi an Register a, RNI Regd. No. MIZMIZ/2014/58176 pek an ni. Serchhip Times Online Edition hi Khampat Media te siam a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »