14 Assam Rifles leh Serchhip Dist. MJA te thawkho dawn

By Kapliana Pachuau on


 Vawiin(4th Nov. 2025)  khan Serchhip a inkhuar 14 Assam Rifles hotu ten Serchhip District MJA Member te lengah sawmin titihona hun tha tak an nei a, a theihdan dana thawhho an rel.
    He hunah hian Assam Rifles Second-in-Command Lt.Col. Sunil Mehta pawhin thu sawiin 14 Assam Rifles te hi Friends of the Hill People an nih angin Mizo mipui te tan kawng hrang hrangin an luangchhuak ve thin tih a sawi a. Orphanage Home hrang hrangah tanpuina te pe in khaw engemawzatah Free Health Checkup te an ti thin a, YMA leh MHIP te pawh a theihna kawng kawngah an tanpui ve thin tih sawiin Serchhip Boxer te zin nan Bus te hial pawh an pe tawh tih a sawi a, Ruihhlo tawlhruk man kawngah pawh theihtawp an chhuah mek tih tarlangin Assam Rifles te hian Journalist te nen thuk taka thawhho reng an duh a, chumi tur chuan lengah an sawm tih a tarlang tel bawk.
    He inkawmhona ah hian Serchhip Dist. MJA Vice President leh Serchhip Times Editor ni bawk Pu Kapliana Pachuau chuan thu sawiin Assam Rifles hotu ten MJA Member te lenga an sawm chu lawmawm an ti hle tih sawiin Serchhip a lo awm tawh Assam Rifles Batallion dang te nen pawh thawhhona tha tak kan lo nei tawh thin a, 14 Assam Rifles ten Ruihhlo tawlhruk an man tawh zozai te, Champhai leh Serchhip District chhung khaw hrang hranga pawl leh Home hrang hrang bakah YMA leh MHIP ah te tana an luangchhuak thin chuan mipuite thla a timuang hle a ni tih sawiin Ruihhlo leh Helpawl hrang hrang laka Mizoram tana an thawhna kawngah Journalist ten tih theih leh tangkai theihna kan neih phawt chuan kan inhuam reng a ni a ti.
    He inkawmhona ah hian Serchhip Dist. MJA Member te hi an kal tha hle a, Assam Rifles Second-in-Command Lt.Co.Sunil Mehta hi Sebedar Major HR Vishwakarma in a tawiawm bawk a, an sawihona eng atang hian Assam Rifles leh Serchhip District MJA te hian Whatsapp Group intawm siam nise an ti a, hemi kaltlang hian 14 Assam Rifles hmalakna leh hnathawh hrang hrang te mipui hnenah MJA Member te hian an thehdarh chhawng ve leh thin dawn a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Lui Humhalh Bomb tute man

By Kapliana Pachuau on
Image
    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.
Kimchang zawkin »