Consumer Assn ten inbumna laka fimkhur turin mipui an ngen

Serchhip District Consumer Associationt te chuan thuchhuah siamin, tunlai hian online atanga an thil chah ni miah lo, an address a rawn thleng, khul tura courier agency lam ten an tih an awm thin a. Heng hi inbumna a ni a, pawisa tam tak takin an khul a, mahse a chhungah bungraw chhiar leh quality lo tak tak chauh a awm thin. Hetiang thil rawn thawntute hian thiam takin mipui bum an tum a, complaint dawn pawhin complaint hleih theih lohin an address te chianglo takin an ziak thin. Hetiang avang hian mi tam takin sum leh pai tam tak kan chan phah tawh tih hriat a ni a, he thil thleng hi Serchhip District Consumer Association te chuan pawi kan ti hle a ni, an ti.
     Hetiang thil awm thin hi a chhan ber chu Social Media thenkhat facebook, instagram, whatsapp etc vela hriat chian loh advertisement leh link kan click vang a ni thin a. Chuvang chuan hemi chungchangah hian mitin te Social Media kan hman dan fimkhur tur leh kan hriat chian loh link te click mai mai lo turin kan inngen a. Tin Social Media vela thil man tlawm uchuak lutuk a zawrh ho hi inbumna a ni tih hria a, hetiang ang chi te chah mai mai lo turin mipui te kan inngen a ni. Tin dak leh courier atanga kan bungraw lo thleng khul tur ang chi chu keimahni duh thu ngeia kan chah a nih loh chuan khullo turin kan inngen a, courier agent te pawh an chah ni miahlo bungrua te man chawia mipuite khul tirlo tur leh a thawntu hnenah return mai zawk thin turin kan inngen a ni, tiin an thuchhuahah chuan an tarlang.