Serchhip ah Boxer leh an nu leh pa te pualin Drugs Awarness Campaign nei

By Kapliana Pachuau on


 Zirtawpni kalta(5th Dec. 2025) tlai dar 3 khan Serchhip Dist. Boxing Association chuan NMBA hnuaiah Boxing Hall ah Drugs Awarness Campaign hlawhtling takin an nei a, Boxer leh an nu leh pa te thahnem tak an kal.
    He hunah thian thu sawiin ICTC Councellor Pi Lalnuntluangi chuan Drugs in thalai hmabak eng tak tak nei te nasa taka a eichhiat mek thu a sawi a, Drugs vanga AIDS vei an tam tawhzia te, nun fimkhurna atanga inven theih a nih thu te uar takin a sawi.
    Pu Ramthianghlima Advocate pawhin thu sawiin Boxer zirlai te chu an naupan lai atanga ruihhlo vanga thubuai an neih palh chuan an puitlin thleng a pawi theihdan te, lehkha zirlai te tan pawh sorkar hna an thawhna tur thlenga harsatna an tawh theihdan tur te sawiin naupan lai atanga nun fimkhur turin a chah.
    Serchhip Dist. Boxing Coach Pu Joshy, SEDBA Technical Chairman pawhin thu sawiin infiamna leh ruihhlo chu thil inhnerem thei ngai lo tur a ni tih sawiin a chhin pawha ruihhlo a inhnamhnawih lo turin kalkhawm te a chah bawk.
    Drugs Awarness Campaign hi Serchhip Dist. Boxing Association President Pu Kapliana Pachuau in kaihruaiin Ruihhlo that lohzia tarlanna Pamphlet leh Video Clip an tlangzarh bawk a, Pu David Laldintluanga’n lawmthu sawiin hun an titawp a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Lui Humhalh Bomb tute man

By Kapliana Pachuau on
Image
    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.
Kimchang zawkin »