Vawiin 22.12.2025 Thawhtanni khan Serchhip Bazar ah Police Beat Post hawn a ni.

By Kapliana Pachuau on

 


Dated Serchhip, the 22nd Dec.2025: Beat Post hawngtu Pu Gavit Gogna, SP Serchhip chuan thu a sawi i , Sub Hqrs YMA, VC te leh Kawnpui North & South Branch YMA te hmalakpui na zarah Serchhip mipuite tan a tangkai zawk leh awlsam zawk na atan Serchhip khawpui lun lai a Beat Post hawn an hawng leh ta chu lawmawm a tih thu leh hunpui vuakvet piah lamah pawh tangkai taka hman zui a nih zel a beisei thu a sawi a, Beat Post changtlung zawk nei thei tur leh Police indaih loh kar ah YMA leh VC te nen thawh hona tha tak an neih zel a beisei thu a sawi bawk




A ni bakah hian Pu Kawlthuama, Sub Hqrs YMA President, Pu H.Lalduata, Addl DC leh Kawnpui North & South Branch YMA President ten thu an sawi bawk.


Serchhip Bazar ah hian mimal building luah in Police Beat Post hi dah a ni thin a, building luah tur an hmuh mai tak loh avangin hun engemaw chen a khaihlak hnu ah Sub Hqrs YMA leh VC te leh NGO hrang hrangte ngenna leh hmalakna in Kawnpui North leh South Branch te building intawm, information centre a hman mek chu chei tha in Beat Post hi siam a ni leh ta a ni.



Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Sub-Hqtrs YMA President-in Serchhip Times digital online edition tlangzarh

By Kapliana Pachuau on
Image
Serchhip Times Kum 25-na (Silver Jubilee) pualin tukin(8th Sept.2025) zing dar 7 khan Sub-Hqrs. YMA Serchhip President Pu Kawlthuama chuan Serchhip Times Online Edition a tlangzarh. Serchhip Times Digital Online Edition tlangzarhna inkhawm tawi hi Serchhip Times Office, Bazar ah neih a niin he hunah hian Sub-Hqrs. YMA Serchhip President Pu Kawlthuama chuan tunlai hmasawnna mila Serchhip chanchinbumi te an in her rem thiam ve zel chu fakawm a tih thu a sawi a, Serchhip Times chanchinbu pawhin Print leh PDF mai bakah Online Edition hial an nei thei ta chu Serchhip tan pawh hmasawnna ropui tak a ni a ti a, Social Media thang chak tak karah kan Journalist te pawh an in update ve zel a tul tih thu sawiin mipuite pawhin chanchinthar dik leh rintlak ziak thin Journalist te kutchhuak hi kan ngaihhlut deuh deuh a ngai a ti a ti. He hunah hian Serchhip Dist. MJA President Pu C.Lalhminghlua pawhin thu sawiin tunlai Khawvel Media thang chak tak kara Serchhip Times in hma a sawn zel chu a lawmpui t...
Kimchang zawkin »