Mizo Boxer Ireland a International Camp ah lut dawn

By Kapliana Pachuau on


 Mizo hmeichhe Boxer hriat hlawh chho mek TC Malsawmkimi, North Vanlaiphai khua chu 21st January to 7th February 2026 chhunga Ireland a International Boxing Camp a lut turin a inhnek tling.


Boxer TC Malsawmkimi hi India rama Hmeichhe Boxing zirna tha ber NCOE(National Center of Excellence Center) Guwahati ah a awm mek a, hemi hma hian North Vanlaiphai Boxing Club hnuaiah te, Serchhip Dist. Boxing Assn. hnuaiah te Boxing a zir thin a, talent a neih that em avangin SAI, Aizawl a lut turin a inhnek tling thuai a, chumi hnu ah NCOE Guwahati a lut turin a inhnek tling chho lej zel a, tunah phei chuan Khawvel huap a Coach tha ber ber te hrualna hnuaia Boxing zir turin International Camp a lut hial dawn ta a ni.


Ireland International Camp lut tur hian National Level a Medal hnekchhuak thei chin chauhvin Trial an nei thei a. Mizo zingah TC Malsawmkimi chauh hi Trial in a tling awmchhun a ni zui ta a ni.


Oct. ni 22, 2024 khan Rohtak, Haryana hmuna REC Combined National Talent Hunt Boxing Programme 2024 - 25 Final ah Boxer TC Malsawmkimi chuan 48 - 50kgs Weight Category(Junior) ah a thlengtu Haryana Boxer Kashish Malik hnehin a Gold Medal a lo hnekchhuak tawh a,


Kum 1 chhunga National Level a Gold Medal 2 hnekchhuak thei TC Malsawmkimi hian kum 2024 April thla khan Serchhip Dist. Boxing Association(SEDBA) Sponsor in Haryana, Rohtak hmunah vek hian REC Combined National level Talent Hunt Programme 2023 - 2024 Final ah a khingpui Uttarakhan Boxer hnehin Gold Medal a lo hnekchhuak tawh bawk a, hemi tuma a haw hi North Vanlaiphai khawtlang in an khaw dai atangin Lirthei chihrang hrang nen lo hmuakin a pualin Bazar ah amah lawmpuina leh chawimawina inkhawm ropui tak an lo nei tawh nghe nghe a ni. 


Hemi hnu hian India rama Hmeichhe Boxing zirna tha bera ngaih Guwahati a National Center of Excellent (NCOE) ah awm tura sawmna a dawng nghal a, May, 2024 atangin NEOC ah hian lut tanin chuta tang chuan National Level a a Boxing zinkawng hi a zawh chho tan a, tun dinhmunah phei chuan International Level ah  Boxing zin kawng a zawh chho tan ta hial a ni.


Serchhip Dist. Boxing Assn(SEDBA) chuan an Boxer TC Malsawmkimi'n International Level thlenga Boxing zinkawng a zawh chho tan ta chu chhuanawm an tiin an lawmpui takzet tih an sawi a, hlawhtlinna sang tak nena India leh Mizoram tihmingthatu ni zel turin duhsakna an hlan tih an sawi.

Comments

  1. Anonymous14 January 2026 at 16:06

    Tci hi beisei na sang tak ka nei.April 2024 a REC COMBINE NATIONAL khelh turin ka fapa Joseph nen chauh Rohtak panin Thlawhna in an kal a. Naupang mai an nih bakah tawngte an thiam lo bawk nen zuitu pawh awmlo in an kal ve tawp kha a ni a,ngaituah an ti nakhawp mai. Zui tu awm lova a Champion theih mai kha a ropui bik a sin.
    Ka fapa Joseph erawh Final ah athlengtu Haryana Boxer nen an intum a, a kut a hliamna bawk nen achak zo lova Silver ahlawh ve hrak a.
    October 2024 ah tho REC COMBINE NATIONAL ah TCi leh Joseph te chauh hian Mizoram atangin Gold Medal an hnek chhuak leh a ni.

    ReplyDelete

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Lui Humhalh Bomb tute man

By Kapliana Pachuau on
Image
    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.
Kimchang zawkin »