National Girl Child Day Serchhip ah hmang

By Kapliana Pachuau on

 Nimin ni 23.1.2026 khan District Hub for Empowerment of Women (DHEW), District Program Office, Women & Child Development, Serchhip District buatsaih in National Girl Child Day 2026 chu DC Pisapui Hall ah hman a ni a, hmeichhe naupang infiamna lama titha mi 4-te chawimawina pek an ni.










He hun hmanpui tu khuallian Pi Rebecca laldinmawii Hrahsel, SDO(Sadar) chuan thu sawiin,  National Girl Child Day chu kum 2008 atanga hman a nih tawh thu leh he ni hi India rama hmeichhe naupang dinhmun hniam lutuk chawisanna atan a  sorkar laipui ruahman a nih thu te, hmeichhe naupiang duhlohna tihtawp a nih theih nan leh hmeichhe naupang ten eng kawngah pawh an chanvo diktak an  hmuh theih na tura ruahman anih angin vawiin ni a he hun hamng tu zawng zawngte chuan hmeichhe naupang ten an chanvo diktak an chan theih nan a tha thawh a,  a la hre ve lo te pawh hrilh hre tu nih tum theuuh turin a chah a ni.

A sawi zelna ah India ram hmundang aiin Mizoram ahchuan hmeichhiate dinhmun a tha a, chutih laiin thingtlang zawk leh hmun hrang hrang ah hmeichhe naupang  ngaih pawimawh tawk lohna a la tam hle a ni a ti a, Pathian min siam dan in mipa leh hmeichhia te chu rawng inbawl sak tawn tura din kan nihna hre rengin kan inchhungkhur theuh ah bul i tan ang u a ti a ni.

Serchhip a National Girl Child Day lawmna ah hian hmeichhe naupang infiamna kawnga titha'Girls Champion Award'mi 4 an hlan a, chungte chu; 

1. Lalruatfeli(13) D/O Nicky Lalrinngheta,  Chhiahtlang Kawn Veng Badminton Player Trophy 20 chuang lo la tawh leh Under 15 Mizoram Ranking a no. 3 leh Under 13 Mizoram Ranking no.1 nilai.

2.Phoibi Malsawmtluangi sailo (11yrs) D/O lalengmawii, Venglai New Serchhip a ni hian State level Boxing Tournament a Serchhip District tana Gold Medal 4, 2023 Mizoram Kick Boxing Championship Gold Medalist, 2025 ah Mizoram tan State pawn ah Gold Medal 2 a la bawk.

3.Lalthakimi (14yrs)D/O Zaliana, Thenzawl, All India Inter SAI Hockey Championship 2025, Bengaluru Gold Medalist, Asmita East Zone Sub Junior Hockey Tournament 2025  Guwahati, Silver Medalist.

4. Lalvenpuii (14yrs) D/O K.Lalrinzuala, Thenzawl. All India Inter SAI Hockey Championship 2025, Bengaluru Gold Medalist, Asmita East Zone Sub Junior Hockey Tournament 2025  Guwahati, Silver Medalist.


National Girl Child Day puala hun hman hi Pi Lalmuanpuii Rokhum, DPO, Women & Child Development, Serchhip District in a kaihruaia, khuallian bakah hian  Pi Caryll Lalpari CDPO chuan thu a sawi a,Pi Lalruatsangi, Specialist in Financial Literasy, DHEW Serchhip kaihruaina in hmeichhe naupang dinhmun chawisanna a tan a thutiam sawirualna neih a ni a, Pu Govut Gogna, IPS, SP Serchhip chuan a telpui bawk a, Pu Lalvensanga, District Mission Coordinator in lawmthusawiin hun a khar a ni.

National Girl Child Day hi a ni tak chu ni 24 January vawiin hi a ni a, inrinni a nih avangin Serchhip ah chuan  zirtawpni khan hman a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »

Lui Humhalh Bomb tute man

By Kapliana Pachuau on
Image
    Serchhip Dinthar Branch YMA Lui humhalh (Chawm lei hnuai) chu tun Pathianni kalta khan mi 4 ten min bomb sakin sangha engemaw zat an vawmthlu a. Report kan dawn bawhzuiin luidungah te kalin rinhlehte in kan dap a, man chhuah an ni a, Dinthar Branch YMA Hruaitute rilru a na hle a ni.             Lui humhalh khawihsak chungah F.I.R thehluh niin tunah hian Police station ah an kawl mek a ni. Lui khawihsak tute chu :  1. Pu Zoremsanga.   2. Pu Lalpekhlua. 3. Pu. C. Laltanpuia 4. Tv. Lalbika te niin Dinthar Br YMA hruaitute chuan an sawi.       January ni 10(Inrinni) khan lui humhalh lai hi bomb hmanga khawih tho niin tumah manchhuah an ni lova, hemi tuma bomb tute hi tuna mi 4 te tho khi niin vengchhunga mi rinawm tak hnen atangin thu an dawng tiin an sawi bawk.
Kimchang zawkin »