Serchhip Dist MJA ten Zote S leh Serchhip kawng siam mek an tlawh a, ram neitu ten Compensation phut miah lovin an ram an pe

By Kapliana Pachuau on


Nimin, February ni 27 khan Mizoram Journalists' Association (MJA) Serchhip District Member te chuan PWD Serchhip Divison hnuaia hmalakna hrang hrang kalpui mek te tlawhin hnathawh mek leh hnathawh tawh chin te an enpui. a, MJA Member te hi an President Pu Kapliana Pachuau hova thawkchhuakin PWD Serchhip Division-a Sr. EE, Er. PC. Zokhuma leh SDO, Lalrinhlua te bakah thawktu dang ten an lo tawiawm a ni.



Serchhip Mat Phai atanga Zote South panna kawng laihzauh leh siamthat hna thawh mek chu en hmasa berin he kawng hi KM 14 vela thui a ni a, May 14, 2025 khan he hna hi thawh tan niin tunah hian kawng laih hna hi zawhfel tep a ni a, blacktopping nen nakum March 14-a zawhfel hman tura ruahman a ni a, cheng vbc. 21.80 vel senna tur niin huntiam ral hma ngeia thawh zawh hman an inbeisei thu  he hna thawktu, Huapzo Construction & Consultancy Services, Aizawl chuan an sawi a ni.

Zote South khua te hian an khaw kawng laihna atan hian Compensation phut miah lovin an ram phal takin an pe tih PWD hotute hian an sawi.


Hemi hnu hian cheng Vbc. 9.63 senga Serchhip Mat Phai-a Link Road leh Land Development hna thawh mek pawh tlawh lehin he hna hi NABARD sum hmanga thawh a ni a, he hmalakna hnuaiah hian Zawlpui to Lumtui (2 km); Zawlpui Farm Road (1.33 km); AC. Zohmangaiha Thlam to Zokhuma Thlam (0.5 km); Zawlpui to Chamdur (2 KM) leh Chawmkai to Zuangleng (5 KM) te thawh tur niin Hectare 83-a zau Land Development hna thawh tura tih a ni bawk a, heng kawng siam turte hi meter 3- zau in PCC-a siam tura tih nimahse hmun tam takah chuan Contractor hian meter 3 aia zau, a then te phei chu 4 meter laia zauvin a siam a ni.

He hna hi May 3, 2025-a thawh tan a ni a, May 3, 2027-ah zawhfel tura ruahman nimahse he hna hi tun Thal chhunga zawh hman an tum thu he hna thawktu Evergreen Construction & Consultancy, Khatla Aizawl te chuan an sawi a ni.

Evergreen Construction & Consultancy, Khatla Aizawl ten Bawngchawm tlang panna kawng siam hna an thawh mek, ‘Widening and Improvement of  Approach Road Paragliding Ground at Serchhip’ pawh tlawh nghalin he hna  hi cheng vbc. 3.45 senga thawh tur a ni a, nikum May 8 khan thawk tanin nakum (2027) June 8-ah zawhfel hman tura ruahman a ni a, KM 4.7 a thui “tur niin he hna pawh hi tun Thal chhunga zawhfel hman an inbeisei thu a thawktute chuan an sawi.

Hemi hnu hian New Serchhip Kkawn atanga Serchhip Hmar Veng panna kawng siam hna thawh mek, ‘Improvement of Kikawn to Hmar Veng, Serchhip’ pawh  tlawh lehin he hna hi NABARD sum cheng vbc. 15.51 senga thawh tura ruahman a ni a, nikum May 14 khan thawh tan niin nakum March 13-a  zawhfel tura ruahman a ni.

He hna hi Studio Hamlet, Champhai Vengthlang ten thawk mekin huntiam chhung ngeia thawh zawh hman an inbeisei thu thawktute chuan an sawi a. He hna thawh mekah hian Kikawn atanga a penna chu tihzauh a tul avangin a chung kawngpui kam-a ke-a kalna chu tihchhiat a ngai dawn a, hei vang hian Kikawn atanga New serchhip panna kawngpui pawh hi zauh tura ruahman a ni bawk..

Hmar Veng to Kikawn kawng laihna atan hian ram neitu ten Compensation phut miah lovin an ram an pe vek tih PWD hotute hian an sawi.

MJA Serchhip District Member te chuan heng hnathawh hrang hrang an tlawha thawktute chu Serchhip tana rotling siam hna thawktu an nih avangin sawrkar in ruahmanna a siam anga a tha thei ang bera thawk tura an beisei thu sawiin, sawrkar in hun bituk a siam chhunga zawh hman tum ngei turin an ngen bawk a. Heng an hnathawh te hi hun remchang hmasa ah tlawh nawn leh an tum thu an sawi bawk a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »