*SERCHHIP DC IN PRESS CONFERENCE KOVIN SERCHHIP DIST. IN SIR ENUMERATION DIGITIZATION 100% AN ZAWH FEL THU A PUANG*

By Kapliana Pachuau on


 Vawiin June ni 18, 2026 Ningani chawhnu dar 2:30pm khan Serchhip District Election Officer Pu Paul L.Khuma chuan a Pisa ah Press Conference kovin Special Intensive Revision (SIR) 2026 kalpui mekah Serchhip District chhunga Enumeration Form Digitization hna thawh chu June ni 28 thleng hun nei mahse June 17, 2026 zan khan 100% tluang taka zawh fel a ni tih a tarlang a, Enumeration Form pawh May ni 26 ah semchhuah tan a ni a,  June ni 6 ralhma a sem zawh hman tur tih ni mahse June ni 4 khan 100% an sem zo hman tih a tarlang tel bawk.

    Serchhip District ah hian Assembly Constituency pathum — 26-Serchhip (ST), 27-Tuikum (ST) leh 28-Hrangturzo (ST) te awmin Electors 55,389 an awm a, heng zingah hian Uncollectable - mitthi tawh (deceased) te, chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te, mi 1184 an awm a ni.

    26-Serchhip (AC) ah hian Voters 21186 awmin voters 20673 (97.58%) te Enumeration Form Digitized an ni a, heng zingah hian Uncollectable - mitthi tawh (deceased) te, chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te mi 513 (2.42%) an awm a ni.

    27-Tuikum(AC) ah hian Voters 17297 awmin voters 17002 (98.29%) te Enumeration Form Digitized an ni a, heng zingah hian Uncollectable - mitthi tawh (deceased) te, chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te mi 295 (1.71%) an awm a ni.

    28-Hrangturzo(AC) ah hian Voters 16906 awmin voters 16530 (97.78%) te Enumeration Form Digitized an ni a, heng zingah hian Uncollectable - mitthi tawh (deceased) te, chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te mi 376 (2.22%) an awm a ni.

    May 30, 2026 atang khan BLO te chuan in tinah kalin, a sur asa hnuaiah Enumeration Form sem hna an thawk tan a, Form lakkhawm, endik leh digitisation hnate chu June 17 khan an zo fel thei a ni.

    Serchhip District Election Officer (DEO) Pu Paul L. Khuma chuan Special Intensive Revision tha taka kalpui a nih theih nana thawktu hrang hrang - Election Branch-a thawkte, ERO, AERO, BLO, BLA leh Media-te bakah khawtlang hruaitu leh tlawmngai pawlte thawhpuina zawng zawngah lawm thu a sawi a ni.

    Special Intensive Revision thawh thumna India ram State leh UT hrang hrang a kalpui mekah Mizoram chu tel ve in, May ni 30 atang khan Enumeration form sem chhuah, lak khawm leh khawl a thun hna tan a ni a. He hna thawh nan hian June ni 28 thleng ruahman a ni a. He mi rual hian voter 1200 aia tam awmna Polling Station te chu siam rem tel tur a ni bawk. July ni 4, 2026 (Inrinni) khian Draft Roll tar chhuah tur a ni a. July ni 4 atanga August ni 4 thlengin Draft Roll a sawisel duh nei leh dilna hrang hrang thlen duh te tan hun hawn a ni ang a, heng dilna te hi September ni 2, 2026 thlengin chinfelna hun hawn a ni a. September ni 6, 2026 ah Final Roll tarchhuah a ni dawn a ni.

    Nimina DEO Pu Paul L. Khuma Press Conference koh hi Pi Rebecca Laldinmawii SDO(S) & ERO Tuikum(AC), Pi Lalchhanhimi EO, Pu Chawngthu Lalrinhlua AERO 27-Tuikum(AC), Pu Vanthang -puia AERO 26-Serchhip(AC), Pi Lalchhanhimi SDO leh Pu R.Vanneihtluanga DIPRO ten an tawiawm a, Serchhip tualchhung chanchinbumite an kal tha hle bawk a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »