Chhiahtlang khuaah Bak(Bat) chi thar India rama a vawi khatna atan hmuhchhuah a ni

By Kapliana Pachuau on


Shillong-a Zoological Survey of India (ZSI) researcher-te, India-a institute hrang hrang scientist-te leh Hungarian Natural History Museum researcher-te nen an thawh ho naah tunhnaiah khan Serchhip District Chhiahtlang khuaah bak (bat) chi thar – Glischropus bucephalus leh Myotis indochinensis – hi India ram chhunga vawi khatna atan an hmuchhuak ta a. He hmuhchhuahna hi Mizoram hmun hrang hranga kum 2023–2025 chhunga bak (bat) survey nasa tak kalpui chhunzawmna atanga lo chhuak a ni. Bak (Bat) chi thar hmuhte hi an taksa hmel (morphology), DNA leh gene zirna (molecular genetics), leh an echolocation (ri hriatna hman dan) hmangin fiah taka hriatfiah an ni.

Glischropus bucephalus, a common name, Indo-Chinese Thick-thumbed Bat tih chu, tun hma chuan Cambodia, Vietnam, Thailand leh Myanmar ramah chauh hriat a ni a. Tun tumah hian Mizoram, Serchhip district-a Chhiahtlang khuaa hmuh a ni a, bak chi dang Myotis indochinensis, a common name, Indo-Chinese Mouse-eared Bat tih chu Vietnam, Laos leh China chhim lamah chauh hmuh thin a ni a. Tunhnaiah Mizoram, Reiek-ah hmuh a ni bawk.

 

Research hruaitu Dr. Uttam Saikia chuan he hmuhchhuahna hian Northeast India mammal diversity chungchangah hriat loh tam tak a la awm tih a lantir a ti. Ani chuan: "Northeast India hi Indian leh Southeast Asian biogeographic realm intawhnahmun a ni a. He hmunah hian bak chanchin hi kan zir chhunzawm zel chuan species thar leh an awm darh dan (distribution) kan hriat loh tam tak kan hmuchhuah bel zel dawn a ni a ti a. Hei hian biodiversity survey tam zawk kalpui a pawimawhzia a tarlang," a ti. Tin, Northeast India ramngawte hi khawvel conservation lamah an hlutna sang tak an nei tih pawh he hmuhchhuahna hian a nemnghet lehzual a ni.
 

Hêng bak (bat) chi thar pahnih telh hian, India ram chhunga bat species hriat chhuah tawh zat chu 138 species aia tlem lo a ni tawh a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »