PU PAUL L.KHUMA, DC & DISTRICT MAGISTRATE SERCHHIP DISTRICTCHUAN AUDITORIUM SUASAM ANIH CHHUNZAWM LOH NAN THUPEK A TICHHUAK

By Kapliana Pachuau on

 


Thuchhuah a a tarlan dan in Serchhip Auditorium chu a thut hmun lei a chet avangin hun rei tak chhung hman theih lohvin a lo awm tawh a. A building thiah tur a ruahman mek a nih lai in auditorium chhunga bungrua chi hrang hrang te suasam a hralh thin an awm thu dawn a ni a. Vantlang bungrua (Public Property) te hi Prevention of Damage to Public Property Act,1984 hnuaiah mimalin duh duh a lak leh tihchhiat theih a ni lo tih a sawi a ni.

Hetiang a nih avang hian Section 163 of Bharatiya Nagarik Suraksha Sanhita, 2023 hnuaiah Serchhip Auditorium, Field Veng chu tih chhiat a suasam a nih chhunzawm zel loh nan hetiang hian thupek a chhuah a ni :-






1. Mi tumah thuneitute phalna la lovin Serchhip Auditorium leh a compound chhungah an lut tur a ni lo.

2. Mi tumahin Serchhip Auditorium building leh a chhunga bungrua te hi an tichhe tur a ni lo.

3. Mi tumahin Serchhip Auditorium chhunga bungrua te hi an la chhuakin an hralh tur a ni lo.

He thupek hian thu leh awm hma chu Order chhuah ni vawiin 8th July, 2026 a nih atanga thla 2 (two months) chhung a huam ang a, thupek zawm lo chu Section 223 of Bharatiya Nyaya Sanhita, 2023 leh Section 2, Section 3 and Section 4 of Prevention of Damage to Public Property Act,1984 hmangin hrem theih a ni ang tiin District Magistrate Seal a nemnghetin hming a ziah hnan a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »