*SERCHHIP AH MZP TEN PEACEFUL PROTEST HLAWHTLING TAKIN AN HMANG*

By Kapliana Pachuau on


 NEET Exam paper put ru chungchanga lungawilohna lantirna -'Peaceful Protest'hmangin Serchhip-ah pawh zirlaite an pungkhawm (|For District News) ““Kumin-a NEET-UG exam zawhna put ru avanga Union Education Minister, Dharmendra Pradhan bang tura phuta Delhi khawpui Jantar Mantar-a pungkhawmte thlawpna lantirin vawiin(23rd July 2026)  chawhma khan  Mizo Zirlai Pawl Serchhip Hqrs te bultumin,Serchhip Bazar tualah Serchhip a Zirna In  hrang hrang a zirlai thahnemtak tak an pungkhawm.

  

 He punkhawm  hi Darchhawna, President MZP Hqrs Serchhipin kaihruaiin, Serchhip Dist. MJA President leh MZP Serchhip  Hqrs Adviser ni bawk Pu Kapliana Pachuau chuan thusawiin, “Vawiinah hian zirlaite, thlavang hauhtu nei lova, mahni leh mahni thlavang hauhva India ram khawpui hrang hranga punkhawm a lo ngai ta hi a lungchhiatthlak hle in ka hria a. Kan hriat theuh angin kumin May thla khan NEET Exam Question paper leak vangin ram pum kan buai a, zirlai tam tak beidawngin an rum a, vawiin thleng hian zirlai 21 lai an intihhlum tawh a, a rapthlak takzet zet a ni.

  

 “NEET chauh kha exam question paper leak a ni lova, India ramah hian ram pum huap National Level intihsiakna a Question paper leak hi kum 2014 atang khan vawi 154 zet a thleng tawh a, rapthlak tak a ni! Mihausa leh duham, mi pamham ten an fate tan cheng nuaih tam tak takin Exam Question paper an lei a, chu chuan rim taka lehkha zir thin zirlai te a tibeidawng mek a, zirlai ten thlavang hauhtu an nei si lova, chuvang chuan zirna in kalsanin, mahni leh mahni thlavang inhauhva helai hmuna kan lo punkhawm hi a ngai ta a ni!” a ti.

    MZP Adviser Pu Kapliana Pachuau chuan “Vawiinah hian NEET Exam Question leak a mawhphurtu Union Education Minister Dharmendra Pradhan hi bang ngei turin kan phut a. Tin, NEET Exam question leak vanga zirlai beidawng, beidawn lutuk vanga intihhlum zui ta mi 21 chhung te pawh hi India sorkar hian zangna dawmna Rs.Vbc 1 aia tlemlo theuh pe ngei ngei turin India sorkar hi kan phut tlat a ni” a ti a.

    “India Scientist chhuanvawr, Climate change Activist, zirlaite thlavang hauhva Delhi khawpui, Jantar Mantar a ni 22 zet chawnghei mektu India sorkarin tihluihna hmanga Safdarjung Hospital a a hreng lui pawh hi kan dem takzet a, Sonam Wangchuk hi rang taka chhuah turin India sorkar hi kan phut tlat a ni” a ti bawk.

    Govt. Serchhip College a SU Debating Asst. Secretary Vanlalmawipuii pawhin thu sawiin zirlai te hian an dikna chanvo an chan ngei theihnan theihtawp an chhuah zel dawn a ni a ti a. NEET Exam Question paper leak a mawhphurtu Union Education Minister Dharmendra Pradhan chu bang ngei tura an phut tlat thu leh Delhi Jantar Mantar a lungawilohna lantir mektu an zirlaipui te chu full support an pek zel tur thu uar takin a sawi.

    He hun punkhawmah hian kumin-a NEET Exam kaihhnawih avanga nunna chan ta te sunna hun tawi hman niin Govt Serchhip College Student Union General Secy Malsawmtluanga kaihruaina in zirlai kalkhawmte chuan 'an dikna chanvo humhalh nana huaisen taka ke an pen zel dawn thute,' NEET Exam Question Leakout avanga mahni nunna la tute  chu sawrkarin zangnadawmna pe ngei tur a phutna thute' leh 'rampum huapa  dodalna   kalpui mek chu an thlawp tlat thute' banner/Placard a keng chungin an au rual a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »