Serchhip District a hmeichhenaupangte hamthatna tur “Project Thaichhawninu” hawn na neih a ni.

By Kapliana Pachuau on


Ni 14th July, 2026 zing dar 11:00 am  khan Beti Bachao Beti Padhao flagship hnuaia Women & Child Development  Department leh Mizoram Postal Division tangkawp hmalakna, hmeichhe  naupang hmakhua ngaihtuahna, 'Project Thaichhawninu' chu Kawnpui VC Hall ah Serchhip District a kalpui turin Pi Lalthlamuani Rokhum, District Program Officer, Women &Child Development, Serchhip District chuan a hawng.



Hawnna thu sawiin Pi Mamuani chuan Hmeichhe naupangte tana hamthatna tur Project Thaichhawninu chu Mizoram puma kalpui turin June ni 16 khan Pi Lalrinpuiin,Social Welfare, Women & Child Development Department changtu Minister chuan alo hawn tawh thu leh Mizoram District 11 chhunga RD Block 27, ICDS huam chhung khaw hrang hrangahte kalpui tura ruahman a nih angin Serchhip District ah Post Office te nen chak taka kalpui tum anih thute a sawiin, he  Project hming ‘Thaichhawninu’ hi Mizo thawnthu pakhat Mauruangi leh Bingtaitukite thawhnthu atanga lak a ni a. Mauruangi nu-in rethei tak chung pawha a fanu tan thaichhawn-a a inpek ang khan, tunlai nu leh pa ten Sukanya Samriddhi Account hmang hian an fanute hmakhua atan an inpek ve theih nan he project hi duan a nih thu a sawi bawk.

He hun hi Pu Lalvensanga, District Mission Coordinator chuan kaihruaiin Pu Lalsailova Sailo, Sub Post master, Serchhip Post Office chuan Scheme chungchang ah zirtirna pe in zawhna leh chhanna hun te hman a ni a, V Lalruatsangi, Specialist in Financial Literacy chuan lawmthu sawiin hun a khar a ni.

SUKANYASAMRIDHIYOJANA(SSY) hi India Sorkar Laipuiin India ram a hmeichhia Pasal nei tur  hautak lutuk avanga hmeichhiate harsatna leh hmeichhe fa tihtlak emaw thah emaw tihbo nan a duan a ni a, Hmeichhe naupang kum10 hnuai lam tan niin, Unau pianghmun (nu leh pa inang) atangin mi pahnih aia tam a theihloh thung.Naupang in pawisa dahsaktu (guardian)a nei tur a ni a, Guardian emaw account neitu naupang athih chuan account a close theih. Nitin/kartin/thlatin/kumtin duh duh zat a dahtheih a, Kum1chhunginRs.250 aia tlemlo dah luh a ngai thung. January, 2015 atang khan thla thum danah apunna zat(%) hi ennawn ziah a ni. Sawrkar kum tawp (March)-ah a pung a lut thin, Tuna a punna zat hi 8.2%(compounded annually) a ni.Account hawnni atanga kum 21a tlin pumhlum hunah final close tur a ni. Hmeichhe naupang kum18 tlin hnuah zirna chhunzawm duh vangin account-a pawisa awm atangin a chanve lak chhuah phal a ni. Accounthawn dawn ken ngaite 1) Naupang Birth Certificate Xerox (1) 2) Naupang Aadhaar Card Xerox(1) 3) Naupang Passport Size photo (2) 4) Guardian Aadhaar Card Xerox(1) 5) Guardian Pan Card Xerox (1) 6) Guardian Passport Sizephoto (2)

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

By Kapliana Pachuau on
Image
 Naktuk hian Chhiahtlang VC leh Joint YMA ten khawtlang huapin mibo zawn hna an thawk dawn. Henry Lalnunsanga(35) S/O B.Kapliana, Aizawl Kulikawn Veng chu ni 5th Sept.2025 Fri. zan khan Scooty  MZ 01 - 08828 hmangin Serchhip panin a rawn chhuak a, vawiin thlenga a chin hriat zui a nih tak si loh avangin vawiin(9th Sept) tlai dar 6 khan a pa Pu B.Kapliana chuan Serchhip Police Station ah FIR a thehlut. Henry Lalnunsanga hian 5th Sept zan dar 7 vel khan Serchhip P&E Veng a a thian pakhat chu message thawnin a zin tur thu a sawi a, a tuk inrinni kalta (6th Sept) khan Chhiahtlang daiah a Scooty hi Chahbi invuah sa in zing feh kal tur ten an hmu a, tun thlengin amah hi a chin hriat a ni ta lo a ni.
Kimchang zawkin »

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »