Tuilian karah PHED ten Serchhip mipui tui intur thianghlim pe thei reng

Tunhnai fur ruah sur nasa leh leimin vangin Serchhip in tui lama harsatna kan tawk lova, hei hi a chhan ber chu hmun hrang hrangah Gravity Line hmanga PHE Department in tui an lak theih thin vang leh Serchhip mipuiin ruahtui tla lo khawl (Rain Water Harvesting) kan intihhmuh tak vang a ni.   
    Hemi chungchanga Serchhip Times palaiin a zawhna chhangin Sr. EE Pu Isaak Lalchhuanmawia, Serchhip PHE Watsan Division chuan Serchhip mipui chawmtu ber Tuikum lui hi fur ruahtui tam changa a nut lai hian kan pump lo a, hetihlai hian Gravity line hmanga hmun hrang hrangah tui thianghlim kan lak theih reng tho avangin tui sem turah buaina kan nei lem lova, tin, fur lai hi chuan Serchhip mipui tam tak hian ruahtui lakkhawl nachang kan hriat tawh avangin tui sem ngai hi thal lai aiin a hautak lova, chuvang chuan fur ruahtui tam leh tui nut lai pawhin Serchhip mipuiin tui thianghlim hnianghnar tak kan neih reng theih phah a ni a ti.

    Sr. EE Pu Isaak Lalchhuanmawia chuan Serchhip Town huamchhungah hian Tui Connection nei mi 4700 vel zet kan awm tawh a, tunhnai kum 2/3 chho atangin Connection la hi an pung nasa deuhva, kumtin Connection 100 vel zel pechhuak thin ang kan ni a ti bawk.