*NH 54 kawng an siam chhiat vangin Serchhip DC in NHIDCL leh KRAM Infracon Pvt. Ltd. te thubuai siamsak hreh dawn lo* *Sub-Hqrs. YMA leh MJA ten kawng siam vil zui dawn*

By Kapliana Pachuau on

 


Serchhip District chhunga National Highway-54 dinhmun thlirin vawiin Aug. ni 6, 2026 Thu. chawhnu dar 2 khan DC’s Meeting Room ah Meeting neih a ni a, Meeting kaihruaitu Serchhip Bawrhsap, Pu Paul L. Khuma chuan NHIDCL hnuaia National Highway-54 Phase-1 leh 2, Baktawng Mualkawi leh Serchhip inkar kawng siamtu Shivalaya, KRAM Infracon Pvt. Ltd. te chu an hna chhiat vanga na taka khakin an kawng siam chhe hma lutuk te chu rang taka siamtha turin a hrilh a, hna muang leh chhia a awm leh chuan NHIDCL leh Shivalaya, KRAM Infracon Pvt. Ltd. te chu thubuai rip tak awhtir an nih tur thu in a vaukhan hial a ni.

    Serchhip District chhunga National Highway-54 Phase-1 leh 2, Baktawng Mualkawi leh Serchhip inkar kawng siamtu Shivalaya, KRAM Infracon Pvt. Ltd. te hnathawh hi kumin fur chho ah 80% aia tam mah chu repair ngaiin a chhia a, hetihlai hian Phase-3, Keitum leh Bungtlang inkar hnathawktu Bhartia Infra Projects Ltd. te kawng siam erawh sawisel tur leh repair ngai a awm lo thung.

    Meeting ah hian NHIDCL hotute chuan an hnuaia kawng siam hna thawktu Contractor KRAM Infracon Pvt. Ltd. te chu warning an pek thu leh ni 15 ralhma(August ni 21 ralhma) a Serchhip Dist. chhung National Highway 54 kawng an siam chhia zawng zawng Boulder hmanga repair nghal tur leh fur ruahtui tla a kian veleh Bitumen hmanga Metal Road siam hna thawk nghal tura an hriattir an sawi a, chumi a ti lo a nih chuan Contractor lakah action la in Defect Libiality Period atana an sum dah chhuhsakin chumi hmang chuan kawng an siamthat tur thu an sawi.

    Serchhip DC Meeting Hall-a thutkhawm-ah hian Serchhip Add. DC Pi Dorothy Muansangi chuan Serchhip District chhunga National Highway-54 Inspection an neih dan tarlangin, kumin July 15 leh 17 te khan Serchhip district kawngpui National Highway-54 hi a hmunah enfiah a nih thu District Bawrhsap hnenah thehlutin, NHIDCL-a PMU Seling leh Lunglei hnenah thehluh leh a nih thu a sawi a. Heng kawng tha tawk lo leh siamthat ngaite hi Contractor-te hnenah an siamthat dan tur ruahmanna siampuiin, chuta an hmalak zui dante thlir tura thutkhawm hi koh a nih thu a sawi bawk.

    He thutkhawmah hian NHIDCL aiawhte bakah Serchhip District chhunga National Highway-54 siamthat hna thawktu Shivalaya, KRAM Infracon Pvt. Ltd. leh Bhartia Infra Projects Ltd.  aiawh ten hma an laknate tarlangin zawhfiah duh an neihte zawhfiah nghal a ni bawk.

    Serchhip District Bawrhsap, Pu Paul L. Khuma chuan Serchhip District chhunga National Highway-54 Inspection neih a nih hnuah hmalakna a chak lo hle tih sawiin, chak zawka hmalak a tul thu a sawi a. Kawngpui siamthat hna vil zui kawngah tlawmngai pawl leh thuthar thehdarhtute bakah khawtlang hruaitu leh mipuite tanrual a tul thu a sawi a. Kawngpui siamthat hna hi ni 15 chhunga beisei anga an thawk tha lo a nih chuan Dan anga khawng taka hmalak zui a nih tawh tur thu pawh Contractor te, Authority Engineer leh NHIDCL hotute hi a hriattir nghal bawk a ni.

Comments

Post a Comment

Be a part of the discussion. Your voice matters to us and to everyone reading.

Mite Chhiar Hlawh

SERCHHIP TUIKHUAH VENGA RETAINING WALL CHIM IN AUTO RICKSHAW PAKHAT A DELH CHHIA

By Kapliana Pachuau on
Image
Serchhip, the 25, May 2026 : Vawiin tlai dar 4:15 pm vel khan Serchhip Tuikhuah venga RCC Retaining wall siam mek chu a chim/tlu a Auto Rickshaw tlanlai pakhat (MZ 06 5511 ) delh in a khalhtu Lalmuanpuia S/o Lalnunmawia, AOC Lane 2, chu a hliam a,  Auto Rickshaw hi a hma lam a delh in a chhe viau a, a khalhtu hi  Serchhip Damdawiin ah dahluh niin ngaihtuah awm lutuk erawh a ni lo.  He RCC Retaining wall Pu C.Zoremsanga, Hnahthial khua hnathawh a ni a, BCM Serchhip Biak in bul Medical Quarter ram dawlna tur a tana Tuikhuah veng NH-6 kawngko a siam niin ft.30 vel a sang chhun tawh a ni a, March thlatir vel atanga thawh tan niin tunkar a zawhfel tura beisei niin an sawi. He RCC Retaining Wall hi    April thla khan Serchhip Sub Hqrs YMA, Vigilance & Monitoring Committee chuan estimate angin a awn tawklo deuh tiin thuneitute hnenah an lo complaint tawh thu an sawi a, thuneitute pawh enfiah in, a slope dan hi estimate ang a nih theih loh chhan chu a area khawtlang...
Kimchang zawkin »

Tukin 31st Oct 2023 Fri. zing dar 9 vel khan Keitum khaw daiah ruang chhar a ni.

By Kapliana Pachuau on
Image
  Ruang an chhar hi Keitum Field Veng a mi Pu Kapngenga a ni a. Nimin 30th Oct tukthuan eikhamah khan Keitum atanga 5kms vela hla, Tuichang thlen hma 1km vela an huan, Fuan luikama feh turin an in a chhuak a, zan thlenga a lo haw tak loh avangin a fate leh an makpa ten zing khawvar tirh atangin an zawng tan a. Tukin zing dar 9 vel khan kawngpui kam maia an thlam hnuai Fuan luikawrah a ke rawn lawr hmu in a lo boral tawh a ni. Pu Kapngenga te thlam hnuaiah hian Fuan lui a luang tlang a, an thlam hi a rawih tawh deuh bakah kumin tuilian khan hrut chhia in chim lek lekin a awm bui tawh a, Thlam verandah hi a lo chim a, hei hi amah hian rap chimin a hnuai chiah, thlam hnuai a tui mal te chen velah tlalutin a nun a chan phah ta niin a lang.
Kimchang zawkin »