Serchhip Times

  Nimin 28th March 2026 Sat. khan Serchhip Zawlpui Agro Farmers Producers Company Ltd. te chuan Serchhip Zawlpui a Sunflower chinna hmun tlawhin Field Visit an nei a. Guwahati atangin APRINS hotute Papori Chutia, Project Co-ordinator leh Udipta Buragohain, Zonal Co-ordinator ten an rawn telpui a ni.     Serchhip Zawlpui leilet awmna hmunah hian kumtin July thla velah buh phunin November thla velah Buh an seng leh thin a, chumi hnu ah chuan lui tui te a lo kang tawh thin avangin leilet tam tak chu thlai chin hleihtheih a ni tawh thin lova, kuminah erawh chuan Agriculture Department hmalakna in tui mamawh tam lo chi Sunflower hi leilet neit tam takin an ching a, tunah hian a par mawi lai tak a ni.     Sunflower par hi a mawi em em mai a, chuvang chuan a par mawi tak thla lakpui tumin mi tam tak Zawlpuiah hian an kal sup sup mek a ni.     Sunflower te hi December thla tirah an ching tan tlangpui a, May thla hi a seng hun niin an seng hunah ...

  Serchhip Zawlpui FPC conducted a field visit On March 28th, 2026, Saturday, Serchhip Zawlpui Agro Farmers Producers Company Ltd. conducted a field visit to a sunflower farm in Serchhip Zawlpui. Papori Chutia, Project Coordinator, and Udipta Buragohain, Zonal Coordinator from APRINS, Guwahati, joined them. The paddy fields in Serchhip Zawlpui typically yield one crop annually, with planting in July and harvesting by November. Afterward, many fields remain fallow due to water scarcity, making it difficult to grow other crops. This year, with support from the Agriculture Department, many farmers have planted sunflower, a low-water crop, and it’s currently in full bloom. The vibrant flowers have attracted many visitors, eager to capture photos. Sunflowers are usually planted in early December and harvested in May. Once harvested, the seeds are processed to extract edible oil, which is both valuable and in demand, selling for around ₹350 per liter.

 Malsawmtluangi d/o Kawlhnuna Serchhip Field Veng chu tunhnaiah Indian Air Force ah a inziak tling a, Airforce record hriat theih chinah Mizo Hmeichhia direct a IAF a tling hmasa ber a ni.

  Vawiin(25.3.2026) khan Telecom Regulatory Authority of India (TRAI) atangin Mr. Debjit Saha, Senior Research Officer, TRAI Regional office, Kolkata chu Serchhip ah lokal in Serchhip District Consumer Association hotute nen inkhawm na hun an nei a. Serchhip Consumer Assn hmalakna leh pawl kalphung te a rawn enfiah. Serchhip District Consumer Association te hian tunhnaiah TRAI hnuaiah hian Consumer Organisation Registration an dil mek a, an an dilna verification ti tur hian TRAI lam hotute hian an rawn enfiah a ni. TRAI hnuaiah hian Mizoram hian Consumer Organisation Registration hi quota 3 kan nei a, tunah hian Mizoram Consumer Union te hi registered member an ni mek a, Serchhip consumer Assn te hian registration hi an zuk dil ve a ni.

Nimin, February ni 27 khan Mizoram Journalists' Association (MJA) Serchhip District Member te chuan PWD Serchhip Divison hnuaia hmalakna hrang hrang kalpui mek te tlawhin hnathawh mek leh hnathawh tawh chin te an enpui. a, MJA Member te hi an President Pu Kapliana Pachuau hova thawkchhuakin PWD Serchhip Division-a Sr. EE, Er. PC. Zokhuma leh SDO, Lalrinhlua te bakah thawktu dang ten an lo tawiawm a ni. Serchhip Mat Phai atanga Zote South panna kawng laihzauh leh siamthat hna thawh mek chu en hmasa berin he kawng hi KM 14 vela thui a ni a, May 14, 2025 khan he hna hi thawh tan niin tunah hian kawng laih hna hi zawhfel tep a ni a, blacktopping nen nakum March 14-a zawhfel hman tura ruahman a ni a, cheng vbc. 21.80 vel senna tur niin huntiam ral hma ngeia thawh zawh hman an inbeisei thu  he hna thawktu, Huapzo Construction & Consultancy Services, Aizawl chuan an sawi a ni. Zote South khua te hian an khaw kawng laihna atan hian Compensation phut miah lovin an ram phal takin an ...

  Serchhip District Commission te chuan tunhnaia Consumer Court thuremna an tihchhuahah Kifa Company dintute chu an hnuaia hnathawk hlawh Serchhip Darnam veng ami an pek kim loh Rs 21000/- chu pek luihtir an ni. Serchhip District Consumer Court Case No 10 of 2025 Order dt 10.2.2026 in a tarlan danin ni 6.11.2025 khan Serchhip Darnam Venga mi pakhat chuan Kifa Company Bawngkawn Bridage Road Aizawl lakah thubuai thehlutin he Company hian an hnuaia a thawh laia a hlawh July 2024 - September 2024 (Rs 21000) chu an pe duhlo tih a rawn thlen a. Consumer Court ah he thubuai hi ngaihtuah niin he thubuai ngaihtuah lai hian he Company hi a ding tawh lova, a dintute hian an bansan zo tawh a. Amaherawhchu he Company a din laia a khaipa te chu mawh phurh tirin he Company an din laia an bungraw la neih ho te chu Court hian a tihral tir a, hemi atang hian complaint tu pawisa mamawh zat Rs 21000/- hi Court hian a pek tir ta a ni.

 Inrinni(14th Feb. 2026) chhun dar 12 khan tunhnaia MCS Exam Result chhuaka Top-8 ni pha Lalruatfela S/o Rohmingliana, Serchhip Bazar chu Bazar tualah S.Kawnpui South Branch YMA bultumin a mah lawmpuina inkhawm ropui taka neih a ni a, NGO hrang hrang leh mimal thahnem takin lawmpuina thilpek an hlan. Kum 2025 a MPSC in Combined Competitive Exam a buatsaihah Serchhip tlangval Lalruatfela(Sena) S/o Rohmingliana chu MCS-ah a inziak tling ve leh ta a, MCS 15 lak thar zingah 8-na lai a ni pha a ni. Lalruatfela hian Presbyterian English School, Serchhip ah Class 9 thleng a zir a, Synod HSS Aizawl atangin HSLC Distinction ah a zo thung.  Class 11-12 hi  Army Public School Golconda Hyderabad ah Distinaction ah bawk a zo a, B.Sc(Hons) hi Ramjas College, Delhi University ah a zo leh a ni. Kum 2022 khan UPSC civil service a exam ve a, mahse a tling zo lo a. Kum 2023 khan UPSC leh MPSC hnuaiah Civil Service a exam leh a, Prelims ah tling ve ve in Mains ah erawh a inziak tling z...